Andrej Hajdukoŭ znoŭ zatrymany za razdaču ŭlotak
Za razdaču ŭlotak ab palitviaźniach 24 listapada ŭ Połacku zatrymany aktyvist arhkamiteta pa stvareńni partyi «Biełaruskaja chryścijanskaja demakratyja» Andrej Hajdukoŭ. Ulotki, jakija jašče zastavalisia ŭ byłoha palitviaźnia na momant zatrymańnia, kanfiskavanyja.
Aktyvista abvinavačvajuć u praviadzieńni niesankcyjanavanaha pikieta. Pierad hetym byŭ zatrymany małady čałaviek, jaki fatahrafavaŭ, jak Hajdukoŭ razdavaŭ ulotki.
Heta druhoje za apošnija niekalki dzion zatrymańnie Hajdukova. U minułuju piatnicu, 21 listapada, jaho zatrymlivali za razdaču ŭlotak u Navapołacku. U milicyi na jaho skłali administracyjny pratakoł za arhanizacyju i praviadzieńnie niesankcyjanavanaha masavaha mierapryjemstva (častka 1 artykuła 23.34 Kodeksa ab administracyjnych pravaparušeńniach), paśla čaho adpuścili.
Hajdukoŭ pravioŭ u źniavoleńni paŭtara hoda — ź listapada 2012 hoda pa maj 2014-ha. Pavodle infarmacyi śledstva, jon byŭ zatrymany «ŭ momant zakładki tajnika sa źviestkami, jakija cikaviać zamiežnyja śpiecsłužby», i pieršapačatkova abvinavačvaŭsia pa art. 356 Kryminalnaha kodeksa (zdrada dziaržavie ŭ formie praviadzieńnia ahienturnaj dziejnaści), paźniej abvinavačańnie było pierakvalifikavanaje. 1 lipienia 2013 hoda Viciebski abłasny sud pryznaŭ Andreja Hajdukova vinavatym pa č. 1 art. 14 i art. 356-1 Kryminalnaha kodeksa (zamach na ŭstanaŭleńnie supracoŭnictva sa śpiecyjalnaj słužbaj, orhanam biaśpieki abo raźviedvalnym orhanam zamiežnaj dziaržavy) i pryhavaryŭ da paŭtara hoda pazbaŭleńnia voli. Sudovy praces prachodziŭ u zakrytym režymie. Biełaruskija pravaabaroncy vystupili z sumiesnaj zajavaj, u jakoj pryznali Andreja Hajdukova palitźniavolenym.
-
«Ja zakančvaju efir, ja prosta nie mahu». Kavieryna daviała da šalenstva dyskusija sa śviatarom Šramko
-
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja
-
Biełaruskim sanatoryjam u Rasii ekanamičny kryzis tolki na karyść
Ciapier čytajuć
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja5
Kamientary