Trahiedyja adbyłasia ranicaj 8 listapada na maleńkaj staličnaj vułačcy Haja.
Kiroŭca Audi A8 na vielizarnaj chutkaści vylecieŭ na Haja z boku vulicy Ščadryna ŭ napramku Arłoŭskaj, urezaŭsia ŭ Audi 100, jakuju ad udaru vykinuła na tratuar, i prataraniŭ jašče 4 pryparkavanyja aŭtamabili.
Na miescy DTZ pamierli kiroŭca i pasažyr Audi 100 — muž i žonka, na vyhlad im kala 45—50 hadoŭ. Abodva byli pryšpilenyja.
Jak ruchałasia hetaja mašyna — adnačasna Audi A8 abo vyjazdžała na vulicu Haja pa hałoŭnaj darozie — treba budzie vyznačyć śledstvu: miarkujučy pa raźmiaščeńni aŭtamabilaŭ na prajeznaj častki, pieršaje sutyknieńnie ŭsio ž było spadarožnym, ad udaru abodva aŭtamabili raźviarnuła.
Kiroŭca Audi A8 paśla DTZ vyjšaŭ z mašyny ŭ majtkach i spakojnym krokam staŭ sychodzić ad miesca trahiedyi.
Vidavočcy paviedamili pra heta ŭ milicyju, supracoŭniki PPS zatrymali mužčynu. Pra jaho fizičny stan pakul ničoha nie viadoma.
Hetaj avaryi papiaredničała jašče adna trahiedyja. Miarkujecca, što mužčyna nanios mnostva nažavych ranieńniaŭ svajoj žoncy, 3-hadovamu synu i 10-hadovaj dačce. Žančyna i dziaŭčynka ŭ ciažkim, ale stabilnym stanie, syn — u vielmi ciažkim.
Ciapier čytajuć
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie77
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie7
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary