Ličyć Alaksandar Milinkievič.
«Abiacany rasijskim prezidentam kredyt pamieram u 1,5 młrd. dalaraŭ nie vyratuje biełaruskuju ekanomiku, — pierakanany lider niezarehistravanaha Ruchu «Za Svabodu» Alaksandr Milinkievič, — «jon tolki daje časovuju palohku dziaržaŭnamu biudžetu. Za začynienymi dźviaryma dva kiraŭniki dziaržavaŭ vyrašali prablemu ŭnutranaj rasijskaj palityki, a nijak nie biezumoŭna važnyja dla našych narodaŭ dobrasusiedskija adnosiny Biełarusi i Rasii».
U tajamnicy zastalisia pytańni, na jakich umovach Biełarusi pradstaŭlajecca novy rasijski kredyt i ŭ jakija śfiery haspadarki buduć nakiravanyja hetyja srodki, — padkreśliŭ Alaksandr Milinkievič.
Pa słovach Alaksandra Milinkieviča, vyniki vizita prezidenta Rasii Uładzimira Pucina ŭ Biełaruś jašče raz padćvierdzili — isnujučaja madel ekanomiki krainy nie ŭ stanie vyžyvać bieź źniešnich pazykaŭ. Ekanamičnaja sistema, zasnavanaja na padaŭleńni pryvatnaj inicyjatyvy i zachavańni poŭnaj zaležnaści hramadzian ad dziaržavy nie dazvalaje efiektyŭna vykarystoŭvać dastupnyja resursy. Kiraŭnictva krainy jaskrava demanstruje, što nie mahło i nie moža vykarystać spryjalnuju situacyju dla biełaruskich tavaraŭ na źniešnich rynkach pry nizkich unutrannych cenach na enierhanośbity dziela zachavańnia makraekanamičnaj stabilnaści.
Vidavočna, što zachoŭvajecca situacyja, u jakoj stasunki pamiž aficyjnym Minskam i Maskvoj zastajucca zakrytymi dla šyrokich kołaŭ hramadstva.
Makraekanamičnaja stabilnaść Biełarusi nadalej całkam zaležyć ad ekanamičnaj padtrymki z boku Rasii, a dakładniej, kiraŭnictva hetaj krainy. Takaja situacyja źjaŭlajecca niedapuščalnaj z punktu hledžańnia nacyjanalnych intaresaŭ Biełarusi, — pierakanany Alaksandr Milinkievič.
Ciapier čytajuć
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary