Futbolny kłub BATE aficyjna paprasiŭ prabačeńnie ŭ danieckaha «Šachciora» i brazilskaha lehijaniera ŭkrainskaj kamandy Łuisa Adryjana za rasisckija vykryki svaich fanataŭ.
Incydent adbyŭsia 21 kastryčnika ŭ finale matča 3-ha tura hrupavoha raŭnda Lihi čempijonaŭ, kali paŭdniovaamierykaniec vyznačyŭsia ŭ piaty raz i davioŭ ahulny lik da 7:0 na karyść «Šachciora». Z-za pavodzin hledačoŭ sudździa na niekalki chvilin pierapyniŭ pajadynak.
«Dla nas heta stała niepryjemnym siurpryzam, za jaki soramna pierad našymi siabrami z Daniecka. My nie padzialajem pazicyi asobnych našych «fanataŭ». Naadvarot, naš kłub ličyć lubyja prajavy rasizmu niedapuščalnymi i zaklikaje hledačoŭ pavažać usich udzielnikaŭ spabornictvaŭ», — havorycca ŭ zajavie barysaŭskaha kłuba.
U BATE padkreślivajuć: «Robim hetuju zajavu nie tamu, što kłubu pahražajuć sankcyi z boku UEFA, a tamu, što ščyra ličym takija pavodziny dzikaściu i idyjatyzmam. Spadziajemsia, u dalejšym na «Barysaŭ-Arenie» padobnaje nie paŭtorycca».
Zajava BATE była pradublavanaja na sajcie «Šachciora», a taksama źjaviłasia na stužkach suśvietnych infarmahienctvaŭ, u pryvatnaści niamieckaha DPA.
Čakajecca, što pytańnie ab sankcyjach UEFA razhledzić 13 listapada.
Ciapier čytajuć
Usie čakali padzieńnia cen, ale ničoha padobnaha! Jak za hod źmianilisia ceny na kvatery ŭ Minsku i inšych bujnych haradach9
Usie čakali padzieńnia cen, ale ničoha padobnaha! Jak za hod źmianilisia ceny na kvatery ŭ Minsku i inšych bujnych haradach
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia22
Kamientary