«Mamaniaty» zaprašajuć dałučacca: u Minsku adkrylisia biełaruskamoŭnyja zaniatki dla dziaciej 1,5—6 hadoŭ
Viktoryja Jaźvinskaja, matula dvuchhadovaha Ryčarda, jakoha jana piaščotna nazyvaje Rysikam, stvaryła na bazie tancavalna-spartovaj studyi «Dzietki+» dźvie biełaruskamoŭnyja hrupy dla dzietak roznaha vieku. Hetaj vosieńniu pačalisia zaniatki ŭ hrupie «Mamaniaty» (dla dziaciej 1,5—3 hadoŭ z baćkami) i «Teatr ruchaŭ» (dla dzietak 3—6 hadoŭ).
«Mamaniaty» — heta tanca-valna-spartovyja zaniatki z elemientami tvorčaści i prykładnoj dziejnaści. Čytać ci ličyć trochhadovych nie vučać, skiravanaść idzie na fizičnaje raźvićcio dziciaci. Bo čym bolš małoje ruchajecca ŭ takim vieku, tym lepiej jano raźvivajecca. Plus tvorčy składnik: praca na drobnuju i bujnuju matoryku.
«Teatr ruchaŭ» — spartova-teatralnyja zaniatki, skiravanyja na raźvićcio havorki ŭ suviazi z rucham, łaharytmiki. Na zaniatkach dzietak čakajuć čystahavorki i mimičnaja himnastyka, himnastyčnyja kompleksy i praktykavańni, dychalna-śpieŭnaja himnastyka, kazačnyja historyi i chatnija zadańni.
Pamiaškańnie studyi, dzie zajmajucca «Mamaniaty», znachodzicca ŭ Malinaŭcy. Ale baćki voziać siudy dzietak navat z-za horada.
Zaniatki prachodziać u małych hrupach — nie bolš za 5 čałaviek «Mamaniaty» i 10 čałaviek «Teatr ruchaŭ».
Kali my pryjšli, usie dzietki ŭžo byli na miescy i razam z baćkami dy vykładčycaj Kasiaj Hłuchoŭskaj raspačali svaje «marskija pryhody».
Dzietki zusim maleńkija, pracavać ź imi składana, ale jany z radaściu puskajucca ŭ hulni dy praktykavańni, jakija im prapanoŭvajuć. Prapanavali «marskija pryhody» — i dzietki zmahalisia ź piratami, rabili pacierki, jak sapraŭdnyja maraki prachodzili roznyja vyprabavańni.
A movie jak takoj na kursach nie vučać. «Meta zaniatkaŭ — harmaničnaje raźvićcio dziciaci, zanureńnie jaho ŭ moŭnaje asiarodździe praz hulniu», — kaža Viktoryja. Ale navat rasiejskamoŭnyja dzietki paśla zaniatkaŭ pačynajuć doma ŭžyvać biełaruskija słovy.
***
Kab zapisacca na zaniatki, treba zvanić na numar: (29) 189-81-08.
-
Ty ruskamoŭny čałaviek śvietu ci ty čałaviek biełaruski? Kiejs Nasty Rahatko
-
«Vałasy dybaram». U jutubie źjavilisia videaroliki pa historyi Biełarusi, ad pačatku da kanca napisanyja štučnym intelektam
-
Nasta Rahatko: Usich, chto suprać udziełu biełarusaŭ u iventach rasijan, ja čakaju ŭbačyć na kirmašach polskich, brytanskich, ispanskich
Ciapier čytajuć
Na «Hrodna Azocie» skončyŭ žyćcio samahubstvam namieśnik načalnika cecha1
Na «Hrodna Azocie» skončyŭ žyćcio samahubstvam namieśnik načalnika cecha
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary