«Nas heta nie pavinna rassłablać. My dobra viedajem svajho voraha i canu jaho słoŭ. U mianie niama iluzij adnosna našaha praciŭnika, ale jość nadzieja» — tak acharaktaryzavaŭ padpisany 5 vieraśnia ŭ Minsku pratakoł ab spynieńni ahniu prezident Ukrainy Piatro Parašenka padčas pajezdki ŭ Maryupal 8 vieraśnia.
«Vieru, što namahańni dypłamataŭ buduć paśpiachovymi», — zajaviŭ Parašenka na sustrečy z bajcami Nacyjanalnaj hvardyi, terytaryjalnaj abarony i Dziaržaŭnaj pahraničnaj słužby, paviedamlaje pres-słužba prezidenta.
Pavodle jaho słoŭ, najbližejšym časam čakajecca pavieličeńnie misii ABSIE pa kantroli režymu spynieńnia ahniu na 500 naziralnikaŭ. Parašenka adznačyŭ, što ŭ cełym režym spynieńnia ahniu vykonvajecca, za vyklučeńniem incydentaŭ u Daniecku i Maryupali.
Prezident paviedamiŭ, što ŭkrainskaja armija źmienić abaronu jak u taktyčnym, tak i ŭ stratehičnym płanie. Hetamu pavinna sadziejničać pašyreńnie supracoŭnictva z NATA. «Z šeraham krain NATA ŭdałosia damovicca ab pramoj pastaŭcy sučasnaj zbroi, jakaja dapamoža nam abaranicca i pieramahčy. Chacia my raźličvajem tolki na siabie, nam žyćciova nieabchodnaja finansavaja i techničnaja vajennaja dapamoha. I my jaje atrymajem», — upeŭnieny Parašenka. «Nam patrebnaja sučasnaja armija, tamu što razmova idzie nie tolki pra svabodu Ukrainy, ale i pra svabodu i niezaležnaść usioj Jeŭropy», — dadaŭ jon.
Ukrainski kiraŭnik taksama paviedamiŭ, što dziakujučy realizacyi punktaŭ minskaha pratakoła z pałonu 8 vieraśnia vyzvalena 20 ukrainskich vajennasłužačych. Havoračy pra dakumient, prezident adznačyŭ, što jon utrymlivaje 12 punktaŭ, ale «važnyja dźvie rečy: vyvad vojskaŭ i ŭziaćcie pad kantrol miažy».
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj14
Kamientary