Na samicie NATA nie było damoŭlenaściej ab pastaŭkach Ukrainie zbroi, ale Kijeŭ moža svabodna jaho kuplać u Polščy ci inšych krainach.
Pra heta zajaviŭ ministr abarony Polščy Tomaš Siemoniak ŭ efiry TVN 24.
Jon rastłumačyŭ, što paviedamleńni eks-ministra Juryja Łucenki pra toje, što na samicie damovilisia ab pastaŭkach zbroi Ukrainie, byli pamyłkovymi.
«Ja byŭ ździŭleny, i my nieadkładna adreahavali. Jak i ZŠA, Italija i Narviehija. Takich damoŭlenaściej ŭ Ńjuporcie nie było», — zajaviŭ ministr.
Jon nahadaŭ, što NATA abviaściła ab svajoj finansavaj padtrymcy Ukrainy i ŭ śfiery vajenna-techničnaha supracoŭnictva.
A pytańnie pastavak zbroi było kvalifikavana jak pradmiet dvuchbakovych damoŭlenaściej.
«Ź lipienia niama embarha na pastaŭki zbroi va Ukrainu, i Ukraina moža svabodna kuplać zbroju ŭ Polščy i ŭ inšych krain», — zapeŭniŭ Siemoniak.
«Dla pakupki i prodažu zbroi patrebnyja dva baki. Kali Ukraina takuju hatoŭnaść vykaža, to naša abaronnaja pramysłovaść napeŭna hatovaja taki zakaz vykanać. Heta nie prosta, tamu što takija kantrakty nie zaklučajucca za niekalki dzion», — dadaŭ polski ministr.
Jon zapeŭniŭ, što Polšča zacikaŭlenaja pradavać Ukrainie zbroju, a «ŭkraincy dakładna viedajuć, što my vyrablajem i možam prapanavać».
Jak viadoma, raniej Łucenka ŭ svaim błohu zajaviŭ, što na samicie NATA ŭdałosia dasiahnuć damoŭlenaściej ab pastaŭkach Ukrainie zbroi z ZŠA, Italii, Narviehii, Francyi i Polščy.
Usie krainy abvierhli hetuju zajavu, pakazaŭšy, što na samicie takich damoŭlenaściaŭ nie dasiahałasia.
Ciapier čytajuć
Stali viadomyja padrabiaznaści pra trahiedyju ŭ Połackim manastyry13
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary