Učora ŭ Kanstancinaŭcy śpiechrupaj MUS paśla žorstkaha zbrojnaha supracivu byŭ zatrymany asabisty achoŭnik terarysta Hirkina. Pra heta paviedamiŭ daradca kiraŭnika MUS Anton Hieraščanka na svajoj staroncy ŭ Facebook.
«Dumaju, što zaraz my daviedajemsia tajamnicu źniknieńnia Strałkova-Hirkina i šmat inšych padrabiaznaściej ab złačynstvach terarystaŭ pačynajučy z zachopu Słavianskaha haradździeła milicyi, a moža i bolš rańnich padziej», — piša jon.
Daradca Avakava adznačyŭ, što zatrymańnie terarysta adbyvałasia va ŭmovach žorstkaha supraciŭleńnia.
«Učora ranicaj hrupa zatrymańnia ź lepšych bajcoŭ śpiecpadraździaleńnia «Sokał» vyjechała na miesca zatrymańnia — vyšynny žyły dom u spalnym masivie ŭ Kanstancinaŭcy. Padniaŭšysia na 7-y pavierch pazvanili ŭ dźviery, pradstaviŭšysia kamunalnaj słužbaj na pradmiet pravierki ličylnikaŭ. Adnak teraryst adčuŭ, što pa jaho pryjšli zusim nie kamunalniki i adkryŭ ahoń z aŭtamata praź dźviery», — piša Hieraščanka.
Supracoŭniki milicyi adkryli ahoń u adkaz i paranili terarysta ŭ plačo, paśla čaho vybili dźviery i zatrymali paranienaha terarysta.
«Zaŭvažu, što teraryst byŭ u stanie mocnaha ałkaholnaha apjanieńnia», — havorycca ŭ paviedamleńni.
Ciapier čytajuć
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja5
Kamientary