Jak stała viadoma «Kommiersantu», papiarednija vyniki mižnarodnaha rasśledavańnia pryčyn krušeńnia małajzijskaha Boeing 777 pad Danieckam 17 lipienia buduć apublikavanyja tolki ŭ pieršy tydzień vieraśnia.
Pra heta paviedamili ŭ Niderłandskim saviecie pa biaśpiecy (NSB), jaki ŭznačalvaŭ rasśledavańnie. U spravazdačy budzie ŭtrymlivacca infarmacyja z roznych krynic — źviestki «čornych skryniaŭ», pieramovaŭ dyśpietčarskaj słužby, pakazańniaŭ radyjołakacyjnych stancyj i spadarožnikavych zdymkaŭ. Padrychtoŭka ža vynikovaha dakładu NSB zojmie niekalki miesiacaŭ.
Niderłandski saviet pa biaśpiecy (Dutch Safety Board) — hałoŭnaja instancyja, jakaja viadzie rasśledavańnie krušeńnia MH17 pad ehidaj Mižnarodnaj arhanizacyi hramadzianskaj avijacyi (ICAO). Siarod 298 pasažyraŭ paciarpiełaha krušeńnie 17 lipienia ŭ Danieckaj vobłaści łajniera kampanii «Małajzijskija avijalinii» 196 čałaviek byli hramadzianami Niderłandaŭ.
Blizkaja da mižnarodnaj kamisii krynica paviedamiła, što rasšyfroŭka bartavych samapiscaŭ dała nie zanadta šmat infarmacyi.
Pavodle jaje słoŭ, kali samalot sapraŭdy źniščyła bajavaja rakieta, piłoty naŭrad ci paśpieli prakamientavać hetuju situacyju:
z-za roźnicy cisku pavietra ŭnutry i zvonku samalota mašyna, jakaja atrymała paškodžańni ad vybuchovaj chvali abo askiepkaŭ, raźlaciełasia na častki, a ludzi imhnienna stracili prytomnaść ad vielmi ciažkaj baratraŭmy.
-
Praz kanflikt z Papam Rymskim Tramp pačaŭ stračvać padtrymku vybarščykaŭ. U Vašynhtonie zahavaryli pra prymireńnie
-
U Tomsku źnieśli pomnik represavanym: siarod ich byli departavanyja ź Biełarusi palaki, a taksama biełarusy, jakich prymušali źmianiać nacyjanalnaść
-
Jemienskija chusity vystavili ŭltymatum Trampu: jany pahražajuć zakryć jašče adzin klučavy marski praliŭ
Kamientary