Siońnia spaŭniajecca 60 hadoŭ biełaruskamu historyku Alehu Trusavu.
Jaho vinšujuć sacyjał-demakraty.
Darahi Aleh Anatoljevič,
my, sacyjał-demakraty horada Minska, ščyra vitajem Vas u dzień Vašaha 60-hodździa.
My dobra pamiatajem, što Vy byli ŭ liku tych ludziej, jakija ŭ kancy 1990 hoda vyrašyli adnavić sacyjał-demakratyčny ruch u Biełarusi, nanova stvaryć Hramadu. Z taho času vy zastajeciesia ŭ šerahach tych, chto choča bačyć Biełaruś niezaležnaj demakratyčnaj pravavoj sacyjalnaj dziaržavaj – členam siamji jeŭrapiejskich krain. Na Ustanoŭčym źjeździe partyi (2–3 sakavika 1991 hoda) Vas abrali namieśnikam staršyni Biełaruskaj sacyjał-demakratyčnaj Hramady, a ŭ 1992–1995 hh. Vy ŭznačalvali našu partyju. Šmat hadoŭ Vy dastojna pradstaŭlajecie Minskuju haradskuju partyjnuju arhanizacyju ŭ Centralnym Kamitecie Hramady.
My dobra pamiatajem, što Vy, deputat Viarchoŭnaha Savieta CHII sklikańnia, byli siarod tych, chto zakładvaŭ padmurki niezaležnaha bytu Biełarusi, uzakońvaŭ u jakaści dziaržaŭnaj našu nacyjanalnuju simvoliku, zmahaŭsia za dziaržaŭny status biełaruskaj movy, za stvareńnie ŭ Biełarusi svajho vojska, svajoj finansavaj i bankaŭskaj sistemy dy inšych atrybutaŭ dziaržaŭnaj samastojnaści.
Svaju palityčnuju i dziaržaŭnickuju dziejnaść Vy plonna spałučajecie z navukovaj i kulturna-aśvietnickaj pracaj. Historyk, archieołah, kandydat histaryčnych navuk, Vy źjaŭlajeciesia aŭtaram bolš jak 150 navukovych i navukova-papularnych publikacyj. Samastojna abo ŭ suaŭtarstvie z kalehami Vy napisali bolš za 10 knih z historyi materyjalnaj kultury Biełarusi i etnahrafii.
Svaimi viedami Vy, dacent Biełaruskaha ŭniviersiteta kultury i mastactvaŭ, ščodra dzieliciesia sa studentami, sa słuchačami ŭ inšych aŭdytoryjach.
Pracujučy amal dvaccać hadoŭ va ŭniviersitecie, Vy voś užo 15 hod uznačalvajecie Tavarystva biełaruskaj movy imia Franciška Skaryny – aŭtarytetnaje abjadnańnie, jakoje abaraniaje pravy biełaruskaj movy, viadzie aśvietnickuju i vydavieckuju pracu i karystajecca šyrokaj padtrymkaj hramadzian.
U dzień Vašaha 60-hodździa my, Vašy tavaryšy i adnadumcy, zyčym Vam, darahi Aleh Anatoljevič, dobraha zdaroŭja, pracoŭnaha nastroju, ździajśnieńnia Vašych zadum. Niachaj žyćcio prynosić Vam novyja radaści, novyja adkryćci, a z-pad Vašaha piara niachaj vychodziać novyja artykuły i knihi.
Minski haradski kamitet Biełaruskaj sacyjał-demakratyčnaj partyi (Hramady).
Kamientary