U viadučych biełaruskich VNU — niedabor abituryjentaŭ na płatnaje adździaleńnie
U viadučych biełaruskich VNU adznačajecca niedabor abituryjentaŭ na navučańnie na ŭmovach apłaty.
Tak, na dzionnuju płatnuju formu navučańnia ŭ Biełaruski dziaržaŭny ŭniviersitet pryniatyja 1.828 abituryjentaŭ pry płanie 2.336.
U Biełaruskim dziaržaŭnym univiersitecie infarmatyki i radyjoelektroniki na płatnaj asnovie buduć vučycca 685 abituryjentaŭ, chacia płan pryjomu składaŭ 1.015 čałaviek.
Na dzionnaje płatnaje adździaleńnie Biełaruskaha nacyjanalnaha techničnaha ŭniviersiteta pastupili 742 abituryjenty pry płanie 1.051.
Biełaruski dziaržaŭny piedahahičny ŭniviersitet płanavaŭ pryniać na navučańnie na płatnaj asnovie 1.000 čałaviek, ale pa vynikach ustupnaj kampanii ŭ VNU zaličany 485 abituryjentaŭ.
Na dzionnaje płatnaje adździaleńnie Minskaha dziaržaŭnaha linhvistyčnaha ŭniviersiteta pastupili 882 abituryjenty, płanavałasia — 1.009.
U Akademiju kiravańnia pry prezidencie Biełarusi na dzionnaje płatnaje adździaleńnie pastupili 115 čałaviek pry płanie pryjomu 130.
Razam z tym u Biełaruski dziaržaŭny miedycynski ŭniviersitet na płatnaje adździaleńnie zaličany 214 abituryjentaŭ, chacia płanavałasia pryniać 200 čałaviek.
Jak paviedamlaje pres-słužba Ministerstva adukacyi, pryjom na ŭzrovień vyšejšaj adukacyi ažyćciaŭlali 54 ustanovy adukacyi dziaržaŭnaj formy ŭłasnaści i dzieviać — pryvatnaj.
***
Pavodle papiarednich źviestak, u VNU pryniaty kala 55 tys. čałaviek. Za košt srodkaŭ biudžetu buduć vučycca 27,2 tys. čałaviek (94% ad płana): na dzionnaj formie — 22,7 tys. čałaviek (99% ad płana), na zavočnaj (biez uliku VNU Minsielhascharča, dzie nabor adbudziecca vosieńniu) — 4,4 tys. čałaviek (71% ad płana). Na płatnaje navučańnie pryniaty kala 28 tys. čałaviek: na dzionnuju formu — 13 tys. čałaviek, na zavočnuju — 15 tys. čałaviek.
Poŭnaściu vykanali kantrolnyja ličby pryjomu VNU ministerstvaŭ achovy zdaroŭja, kultury, abarony, suviazi i infarmatyzacyi, transpartu i Dziaržaŭnaha pahraničnaha kamiteta.
Najbolš vysokija prachadnyja bały zafiksavanyja na śpiecyjalnaściach: «Biźnies-administravańnie» ŭ BDU (prachadny bał — 370), «Suśvietnaja ekanomika» ŭ BDU (371 bał), «Infarmatyka i technałohii prahramavańnia» ŭ BDUIR (366 bałaŭ), «Stamatałohija» ŭ BDMU (360 bałaŭ), «Linhvistyčnaje zabieśpiačeńnie mižkulturnych kamunikacyj» u MDŁU (354 bały).
U Minsku pamior adzin z samych viadomych zabojcaŭ Rasii. Jon žyŭ pad čužym imieniem i staŭ piśmieńnikam-fantastam5
Kamientary