U Biełarusi pavyšajucca taryfy na pasłuhi elektrasuviazi, što akazvajucca fizičnym asobam, jurydyčnym asobam i indyvidualnym pradprymalnikam.
Heta praduhledžana pastanovaj Ministerstva ekanomiki ad 16 lipienia 2014 hoda № 52. Jana była apublikavana 26 lipienia na Nacyjanalnym pravavym internet-partale i nabyła moc 1 žniŭnia.
Štomiesiačnaja abaniemientnaja płata dla fizičnych asob za pieraviedzieny na pačasovuju apłatu telefon pavialičana na 20,4% da 14.750 rubloŭ.
Pahadzinnaja płata za kožnuju poŭnuju ci niapoŭnuju chvilinu złučeńnia vyrasła da 37,2 rubla (na 24,8%). Abaniemientnaja płata za nie pieraviedzieny na pahadzinnuju apłatu razmoŭ telefon budzie składać 20.850 rubloŭ (na 19,8% bolš). Chvilina mižharodnich telefonnych złučeńniaŭ u stacyjanarnaj sietcy biez dapamohi telefanista składzie 81,4 rubla (na 12,1% bolš).
Dla jurydyčnych asob štomiesiačnaja abaniemientnaja płata pavyšana na 18% da 18.300 rubloŭ za pieraviedzieny i 34.700 za nie pieraviedzieny na pačasovuju apłatu telefon. Pačasovaja płata za kožnuju poŭnuju ci niapoŭnuju chvilinu złučeńnia pavialičana na 17,6% da 60 rubloŭ. Chvilina mižharodnich telefonnych złučeńniaŭ składzie 92 rubli (na 10,8% bolš).
Papiaredniaje pavieličeńnie taryfaŭ na pasłuhi telefonnaj suviazi adbyłosia 27 maja.
Ciapier čytajuć
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty15
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary