Pasły krain-členaŭ ES u aŭtorak padčas pasiedžańnia ŭ Bruseli pryniali rašeńnie ab uviadzieńni sankcyj treciaha ŭzroŭniu suprać Rasijskaj Fiederacyi.
Sankcyi buduć tyčycca enierhietyčnaha, finansavaha siektaraŭ i pradukcyi vajennaha i dvajnoha pryznačeńnia.
Data ŭstupleńnia ŭ siłu rašeńnia ab sankcyjach pakul nie nazvanaja; chutčej za ŭsio, heta adbudziecca ŭ sieradu, paśla ich publikacyi ŭ aficyjnym časopisie ES.
Pakul viadoma, što finansavyja sankcyi ŭviaduć abmiežavańni dla rasijskich dziaržaŭnych bankaŭ (u tym liku tych, u jakich dola dziaržaŭnaj ułasnaści pieravyšaje 50%) adnosna ich vychadu na kredytny rynak i vykarystańnia finansavych instrumientaŭ, jakija praduhledžvajuć termin bolš za 90 dzion.
Taksama zabaronieny vypusk dziaržbankami jeŭrabondaŭ i emisija akcyj na karyść jeŭrapiejskich uładalnikaŭ.
Poŭnaj zabarony na tranzakcyi ŭ jeŭra nie praduhledžana.
Takija ž abmiežavańni buduć tyčycca dziaržaŭnych instytutaŭ RF, karparacyj i ahienctvaŭ z dolaj dziaržaŭnaj ułasnaści bolš za 50%.
U śfiery enierhietyki sankcyi buduć tyčycca naftavaha siektara — ES zabaronić ekspart i reekspart ŭ Rasiju vysokatechnałahičnaha abstalavańnia, pierš za ŭsio — abstalavańnia dla hłybakavodnaha bureńnia.
Abmiežavańni ŭ śfiery tavaraŭ vajennaha pryznačeńnia nie buduć tyčycca tych kantraktaŭ, jakija byli zaklučany raniej.
Heta było patrabavańnie Francyi, jakaja takim čynam harantavała zaviaršeńnie kantraktu pa pastaŭcy ŭ Rasiju viertalotanosca «Mistral».
Reuters udakładniaje, što termin dziejańniaŭ dadzienych abmiežavańniaŭ składaje 3 miesiacy, paśla čaho jany mohuć być pierahledžany. Razam z tym, jeŭrapiejskija dypłamaty zapeŭnivajuć, što mahčymy ich pierahlad u bok pavieličeńnia ŭ vypadku raptoŭnaj nieabchodnaści.
Rašeńnie było pryniata na «pracoŭnym» uzroŭni — jeŭrapiejskija krainy admovilisia ad idei praviadzieńnia ekstrannaha samitu, choć niekalki jeŭrapiejskich kiraŭnikoŭ, uklučajučy kanclera Anhiełu Mierkiel, zajavili pra hatoŭnaść pierapynić adpačynak dla ŭdziełu ŭ sustrečy.
Kamientary