Brytanija nie puściła rasijskuju delehacyju na avijasałon ŭ Farnbara — z-za dziejańniaŭ Rasii va Ukrainie
Vialikabrytanija admoviła ŭ vydačy viz členam rasijskaj delehacyi, jakaja pavinna była pradstaŭlać Maskvu na avijašoŭ u Farnbara (Farnborough Air Show), paviedamlaje Agence France-Press.
Hety avijasałon źjaŭlajecca klučavoj padziejaj dla avijacyjnaj pramysłovaści i maje važnaje značeńnie dla Rasii, jakaja imkniecca ekspartavać svaju pradukcyju.
Ministerstva zamiežnych spraŭ Vialikabrytanii patłumačyła, što jano zaprašaje pradstaŭnikoŭ zamiežnych dziaržaŭ dla ŭdziełu ŭ Farnbara ŭ jakaści haściej dziaržavy, choć heta i kamiercyjnaje mierapryjemstva.
«Ale ŭ suviazi ź dziejańniami Rasii va Ukrainie nikomu z pradstaŭnikoŭ rasijskaj dziaržavy nie było nakiravana zaprašeńnie ad imia ŭrada Jaje Vialikaści na Farnbara-2014», — zajaviŭ pradstaŭnik brytanskich uładaŭ.
Brytanija ŭ chodzie kryzisu zaniała pazicyju ćviordaha prychilnika ŭviadzieńnia sankcyjnych mier, jakija zaklučajucca ŭ zamarožvańni aktyvaŭ i zabaronie na pajezdki ŭ suviazi z «rasijskim umiašańniem u kanflikt na ŭschodzie Ukrainy».
Krynica ŭ rasijskaj delehacyi taksama paviedamiła RIA Naviny, što ŭdzieł dziaržkampanii «Rosabaronekspart» u avijasałonie sarvana z-za adsutnaści brytanskich viz.
Pasolstva Rasii ŭ Vialikabrytanii źviarnułasia z notaj ŭ MZS krainy.
-
Vysokapastaŭleny malijski čynoŭnik abvinavaciŭ rasijskich vajskoŭcaŭ u bajaźlivaści i zdradzie
-
Supracoŭnik upraŭleńnia vieterynaryi Novasibirska znojdzieny miortvym. Jon kiravaŭ adździełam, jaki adkazvaŭ za zabirańnie žyvioły ŭ žycharoŭ
-
Dziarždep ZŠA vypuścić limitavanuju sieryju pašpartoŭ z vyjavaj Trampa ŭnutry
Ciapier čytajuć
Chto pradaŭ kvateru ŭ «Majaku Minska» źnikłaj Mielnikavaj? Takoha čałavieka nie isnuje9
Kamientary