"A Milinkievič stanie nastupnym prezydentam krainy da 2011 hodu".
Kanfierencyja padzialiłasia na dźvie častki. Dosyć chutka partyjnyja aktyvisty zaćvierdzili śpis delehataŭ ad Mahilova, što składaŭsia z 7 čałaviek. A dalej adbylisia vystupy staršyni Partyi BNF i jaho namieśnikaŭ, što vielmi nahadvali pieradvybarčuju ahitacyju.
Pretendenty na liderstva abrali roznyja taktyki datyčna dalejšaha raźvićcia BNF. Tak, Vincuk Viačorka stanoŭča acaniŭ praviedzienuju kampaniju na vybarach-2006 dy zajaviŭ, što Front u nastupnyja dva hady zojmiecca mabilizacyjaj hramadstva, kab prymusić uładu sieści za stoł pieramovaŭ z apazicyjaj. Pry hetym kiraŭnik partyi zajaviŭ, što BNF musić vyjści ź cieniu apazicyi i Rady ADS, akramia taho, va ŭsich kaalicyjach partyja musić mieć "prava vieta" – i heta pavodle spadara Viačorki, aficyjnaje pasłańnie dla ŭsich subjektaŭ palityki.
Viktar Ivaškievič zajaviŭ, što ŭ budučym hodzie siabry partyi BNF mohuć być abranymi ŭ Pałatu pradstaŭnikoŭ i stvorać tam svaju frakcyju.
Što ž datyčna vystupu Alesia Michaleviča, to tut prahučała dosyć ambicyjnaja zajava pra toje, što BNF moža samastojna ŭziać uładu ŭ krainie. Pry hetym jon dosyć skieptyčna pastaviŭsia da parłamienckich vybaraŭ. Na jaho dumku, hałoŭnaje zaraz – pracavać ź pierśpiektyŭnymi hrupami nasielnictva: pradprymalnikami i chryścijanami.
Na pytańnie Racyi datyčna prezidenckich vybaraŭ-2011 Viačorka adkazaŭ, što BNF musić abaviazkova mieć svajho kandydata dy svajho kiraŭnika pieradvybarčaha štabu. A pavodle Michaleviča, źmieny ŭ krainie nastupiać raniej za datu nastupnych vybaraŭ. I prezidentam stanie Alaksandar Milinkievič.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie4848
Kamientary