Uładalnik dačnaha ŭčastka ŭ Viciebskim rajonie aformiŭ vierchniuju častku doma ŭ vyhladzie hałavy śfinksa.
Na ŭjeździe ŭ sadoŭnickaje tavarystva «Budaŭnik» vidać niezvyčajny budynak amal 8-mietrovaj vyšyni. Nad jaho ŭźviadzieńniem aŭtar i vykanaŭca hetaj idei Rusłan Kuščyn pracavaŭ dva hady.
Jon pracuje plitačnikam na viciebskim budaŭničym pradpryjemstvie. Ź junackich hadoŭ zachaplajecca architekturaj, i hetaje chobi znajšło prymianieńnie ŭ pobycie — dačny ŭčastak pastupova vidaźmianiajecca.
«Ideja zbudavać hałavu śfinksa pryjšła nievypadkova. Chaciełasia padaryć žoncy adno z 7 cudaŭ śvietu. Pakolki ja Leŭ pavodle haraskopu, a ŭ śfinksa — cieła lva, to vyrašyŭ, što treba «pasialić» jaho na dačy», — skazaŭ Rusłan Kuščyn.
Hałava śfinksa — dačnaja słavutaść, jakaja dzivić amataraŭ ekzotyki. Jana zajmaje dva pavierchi i paddaškavaje pamiaškańnie (tut znachodzicca majsternia, vokny jakoj źjaŭlajucca vačyma śfinksa i ŭ ciomny čas padśviatlajucca).
Pa pryznańni Rusłana Kuščyna, jon uzvodziŭ budynak bieź jakoha-niebudź prajekta. Budavaŭ z naturalnych materyjałaŭ — hliny, piasku, sałomy. Zatym pakryŭ cemientavym rastvoram, a dla stvareńnia reljefnych detalaŭ vykarystaŭ pienapłast. Niahledziačy na toje, što ŭsie materyjały lohkija, budynak vytrymlivaje lubuju niepahadź.
Haspadar dačy maje namier aformić haspadarčyja pabudovy, jakija stajać pierad domam, u vyhladzie łap mifičnaj istoty, kab padtrymać ahulnuju kancepcyju.
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca99
Kamientary