Uračystaja zakładka pieršaha kamienia ŭ Kitajska-biełaruskim industryjalnym parku i pačatak budaŭničych rabot zapłanavanyja na 19 červienia. Pra heta havaryłasia 5 červienia ŭ Minsku na sustrečy vice-prezidenta kampanii «CITIC Construction» (KNR) Čeń Siaoczia z namieśnikami premjer-ministra Biełarusi Piatrom Prakapovičam i Anatolem Tozikam.
Jak paviedamlaje pres-słužba ŭrada, padčas sustrečy Čeń Siaoczia paviedamiŭ ab vykanańni ŭ Biełarusi prajektaŭ u cemientnaj halinie i pra novyja prapanovy kampanii.
«My ŭ červieni zaviaršajem pracedurnyja pytańni pa stvareńni sumiesnaj biełaruska-kitajskaj inžynirynhavaj kampanii, — skazaŭ Čeń Siaoczia. — Adnačasova viadziom padrychtoŭčuju pracu z partniorami ŭ Rasii i Kazachstanie pa zaklučeńni pieršych kantraktaŭ».
Pierśpiektyvy pośpiechu ŭ sumiesnaj inžynirynhavaj kampanii jość, u tym liku z ulikam płanaŭ pa budaŭnictvie industryjalnaha parku. «Pa našych prajektach va Uźbiekistanie i Kazachstanie my nieśli dadatkovyja raschody mienavita z-za roznych padychodaŭ u prajektavańni, — paviedamiŭ Čeń Siaoczia. — Ich možna paźbiehnuć z dapamohaj kampanii, jakaja stvarajecca».
Jašče adzin novy prajekt praduhledžvaje adrazu try kirunki ŭ śfiery enierhietyki: budaŭnictva zavoda pa zvadkavańni pryrodnaha hazu, stvareńnie sietki kryjahiennych zapravačnych stancyj, a taksama vytvorčaść hazabałonnaha abstalavańnia, abstalavańnia dla hazanapaŭnialnych kampresarnych stancyj i madernizacyju aŭtamabilnych ruchavikoŭ. «Heta trochbakovy prajekt. Jon adpaviadaje intaresam Rasii, Biełarusi i Kitaja. Važna, što majecca zacikaŭlenaść pamiž biźniesam troch krain», — skazaŭ Čeń Siaoczia. Zaraz razhladajecca mahčymaść budaŭnictva ŭ Kobrynie zavoda pa zvadkavańni pryrodnaha hazu.
«Biźniesu nieabchodna apieratyŭna vyznačycca ź miechanizmam realizacyi trochbakovaha prajekta i ŭzhadnić pamiž saboj udzieł u im, — paviedamiŭ Anatol Tozik. — My hatovyja jaho padtrymać, kali budzie nieabchodna».
«Dla nas vielmi važna, kab usie try kirunki raźvivalisia adnačasova. Tady prajekt budzie vysokaefiektyŭnym», — skazaŭ Piotr Prakapovič.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary