Ukraina rychtuje pazoŭ da Rasii na 1 trłn hryŭniaŭ za anieksiju Kryma
Ukraina budzie sudzicca z Rasijskaj Fiederacyjaj na sumu bolš za 1 trłn hryŭniaŭ za niezakonny zachop i rabavańnie Ukrainy.
Pra heta premjer Arsień Jacaniuk raspavioŭ u aŭtorak u parłamiencie, adkazvajučy na pytańni deputataŭ.
«Ukraina pačała praces, Hienieralnaj prakuraturaj raspačata rasśledavańnie. I ŭ ramkach kryminalnaj spravy ŭkrainski ŭrad padaje pazoŭ na sumu bolš za 1 trłn hrn», — zajaviŭ Jacaniuk.
«Prablemy lažać u mižnarodnaj pravavoj płoskaści. Nie tak šmat jość opcyj, kudy padać u sud. Ale, nie raskryvajučy ŭsie jurydyčnyja detali: my vykarystoŭvajem usie mahčymyja i zakonnyja mietady dla taho, kab pryciahnuć RF da sudu», — dadaje jon.
Pa słovach premjera, Ukraina ŭžo padała 2 pazovy ŭ Jeŭrapiejski sud pa pravach čałavieka niepasredna pa anieksii Kryma i adkaznaści RF pierad Ukrainaj.
«My rychtujem dadatkova inšyja pazovy — u tym liku, i ŭ orhany dziaržaŭnaj ułady i kiravańnia Rasii za niezakonny zachop i rabavańnie Ukrainy. Za heta pryjdziecca adkazvać. My ŭśviedamlajem, što takija sudovyja pracesy nie prachodziać za miesiac, ale takija pracesy buduć mieć vynik», — upeŭnieny Jacaniuk.
Jak viadoma, ministr justycyi Pavieł Piatrenka raspavioŭ, što ahulny raźlik strat Ukrainy ad anieksii Kryma užo składaje 17 tamoŭ i bolš za adnu tryljona hryŭniaŭ.
«Na siońnia suma strat składaje 1 trłn 80 młrd hryŭniaŭ. U suviazi z abmiežavańniem prava karystańnia abjektami, majomaściu i karysnymi vykapniami, hetaja suma praciahnie raści», — zajaviŭ ministr.
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca99
Kamientary