U centry Kijeva vykryli kubło ŭzbrojenych dyviersantaŭ, jany ŭjechali tudy za miesiac da padzieńnia Janukoviča FOTA

U Kijevie SBU vykryła bazu dyviersantaŭ, jakaja raźmiaščałasia nad pryjomnaj deputata Viarchoŭnaj Rady. Pra heta ŭ svaim Facebook napisaŭ deputat Viarchoŭnaj Rady Ukrainy Uładzimir Ar'eŭ.

«Nakryli bazu kałaradaŭ. Hniaździlisia prosta nad majoj pryjomnaj na Krasnova, 8. Dumali zamaskiravacca. Kali pryjechali supracoŭniki SBU, adkryvali ahoń», — paviedamiŭ jon.

«Ale ŭsio terarysty spakavanyja jak śled. Zaraz śpiecyjalisty adbirajuć vybuchoŭku, jakuju zachoŭvali ŭ kvatery», — dadaŭ Areŭ.

«Siadzieli daŭno. Narod, budźcie pilnymi. Pafihistyčnyja časy časy skončylisia», — dadaŭ jon.

Paźniej SBU paviedamiła detali apieracyi. Dva rasijskija dyviersanty prybyli ŭ Kijeŭ z Kryma jašče ŭ studzieni, za miesiac da padzieńnia Janukoviča, i ŭciorlisia ŭ šerahi ŭdzielnikaŭ Jeŭramajdanu.

«Pazicyjanujučy siabie aktyŭnymi ŭdzielnikami Jevromajdanu, «O» i «S» rychtavali šerah akcyj dyviersijna-padryŭnoha charaktaru suprać našaj dziaržavy, źbirali i pieradavali svaim rasijskim kaardynataram infarmacyju ab chodzie padziej», — adznačaje SBU.

Ukazanyja asoby — byłyja milicyjanty, jakija vałodali admysłovymi viedami ab mietadach pracy pravaachoŭnych orhanaŭ, — dadali ŭ viedamstvie.

Ustanoŭlena, što ŭ krasaviku pa ŭkazańni svajho kaardynatara pa Rasijskaj Fiederacyi złamyśniki sustrelisia i zabiaśpiečyli ahniastrelnaj zbrojaj hramadzianku RF M.Koledu, jakaja vykonvała zadańnie rasijskich śpiecsłužbaŭ pa destabilizacyi situacyi ŭ paŭdniovych abłaściach Ukrainy (8 krasavika jana była zatrymanaja supracoŭnikami SBU).

Padčas sankcyjanavanych pieratrusaŭ pa miescach časovaha pražyvańnia «O» i «S», a taksama ŭ niežyłych pamiaškańniach, jakija imi vykarystoŭvalisia, vyjaŭlenyja zbroja, bojeprypasy i vybuchoŭka, u pryvatnaści: try aŭtamata Kałašnikava AKSU, dva pistalety Makarava, pnieŭmatyčnaja snajpierskaja vintoŭka vysokaha cisku, traŭmatyčny pistalet, pierarobleny dla adstrełu patronaŭ śmiarotnaha dziejańnia, ručnyja hranaty RHD-42 i F-1, vialikaja kolkaść bajavych patronaŭ i samarobnych vybuchovych pryład.

U kvatery złamyśnikaŭ pravaachoŭniki vyjavili takuju kolkaść kampanientaŭ dla vyrabu vybuchovych pryład (porach, saletra, aceton, zapały, bikfordavy šnury, mietaličnyja kantejniery, hadzińnikavyja miechanizmy i h.d.), što vybucha-techničnyja słužby byli vymušany evakuiravać žycharoŭ doma».

Akramia taho, u SBU adznačyli, što ŭ adnym z haražoŭ, jakim karystalisia dyviersanty, vyjaŭlena značnaja kolkaść materyjalnych kaštoŭnaściaŭ, jakija byli vykradzieny z pamiaškańniaŭ KHHA, u pryvatnaści, dziaržaŭnyja i jubilejnyja ŭznaharody (bolš za 10 tys. adzinak), mebla, mietaličnyja siejfy, kampjutary i bytavaja technika.

«Padčas zatrymańnia złamyśniki akazvali supraciŭ, imknučysia źbiehčy. Ciapier iduć adpaviednyja śledčyja dziejańni», — paviedamlaje SBU.

• 0
• 0
• 0
• 0
• 0
• 0
• 0
• 0