U suviazi z rasstrełam Ryhora Juzepčuka Jeŭrapiejski sajuz iznoŭ zaklikaŭ biełaruskija ŭłady ŭvieści maratoryj na śmiarotnuju karu.
«My rašuča asudžajem niadaŭniuju śmiarotnuju karu Ryhora Juzepčuka, jaki byŭ pryhavorany da śmiarotnaj kary ŭ krasaviku 2013 hoda. Heta ŭžo druhi vypadak pryviadzieńnia ŭ vykanańnie śmiarotnaha pryhavoru ŭ Biełarusi sioleta», — havorycca ŭ zajavie ES.
U dakumiencie vykazvajecca razumieńnie surjoznaści złačynstvaŭ, z-za jakich była prymieniena vyšejšaja miera pakarańnia. U toj ža čas ES vystupaje suprać śmiarotnaj kary, «bo jana nie moža być apraŭdana ni pry jakich akaličnaściach».
Śmiarotnaja kara źjaŭlajecca «žorstkim i biesčałaviečnym pakarańniem, jakaja nie moža słužyć strymvajučym faktaram i ŭjaŭlaje saboj nieprymalnaje admaŭleńnie čałaviečaj hodnaści i niedatykalnaści».
ES zaklikaje Biełaruś, «adzinuju krainu ŭ Jeŭropie, jakaja prymianiaje śmiarotnuju karu», dałučycca da ŭsieahulnaha maratoryja na hety vid pakarańnia ŭ jakaści pieršaha kroku da jaho poŭnaj admieny.
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć48
Kamientary