Čatyry kłuby ź Biełarusi, Rasii i Kazachstana stanuć udzielnikami piataha turniru Kubka Sadružnaści pa chakiei na travie, pieršy tur jakoha projdzie 14—16 maja ŭ Breście.
Asablivaściu turniru stała admova ad udziełu ŭ spabornictvach dvuchrazovych čempijonaŭ Kubka Sadružnaści — ukrainskaj kamandy «Kołas-Siekvoja». Kłub ź Vińnicy zajaviŭ ab niežadańni hulać, pakolki ŭ turniry biare ŭdzieł kamanda z Rasii. Zamienu ŭkraincam arhanizatary turniru znajšli ŭ vyhladzie kazachstanskaha «Biesarysa».
U minułyja čatyry hady KS pravodziŭsia ŭ čatyry tury — kožny ŭdzielnik spabornictvaŭ prymaŭ u siabie adzin tur. U vyniku kamandy pravodzili pa 12 matčaŭ. Zaraz buduć usiaho dva tury: z 14 pa 16 maja kamandy źbiarucca ŭ Breście, a z 8 pa 12 žniŭnia — u rasijskaj Elektrastali. Padčas turaŭ kłuby zhulajuć adzin z adnym pa dva razy.
Za hałoŭny pryz mižnarodnych spabornictvaŭ paspračajucca «Budaŭnik» (Brest), «Minsk», «Dynama-Elektrastal» (Rasija) i «Biesarys» (Tałdykarhan, Kazachstan).
Pieršym pieramožcam turniru staŭ «Budaŭnik», zatym dvojčy lepšymi byli ŭkraincy, a ŭ 2013 hodzie pieramoha dastałasia rasijanam.
Ad admovy pryjechać u Brest ukraincy nie stracili: na hety čas u kłuba ź Vińnicy zapłanavana praviadzieńnie čatyroch pajadynkaŭ suprać mocnaj zbornaj Azierbajdžana.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary