Łukašenka napiaredadni samitu «trojki» abmierkavaŭ z Rumasam niaŭzhodnienyja pazicyi pa damovie ab JEAES
Alaksandr Łukašenka napiaredadni pasiadžeńnia Vyšejšaha Jeŭrazijskaha ekanamičnaha savieta, jakoje maje adbycca siońnia ŭ Minsku, pryniaŭ z dakładam člena Savieta Jeŭrazijskaj ekanamičnaj kamisii ad Biełarusi Siarhieja Rumasa. Padčas sustrečy abmiarkoŭvalisia niaŭzhodnienyja pazicyi pa damovie ab Jeŭrazijskim ekanamičnym sajuzie (JEAES), pieradaje BiełTA.
Alaksandr Łukašenka adznačyŭ, što samyja składanyja pytańni ŭ prajekcie dahavora zastajucca na razhlad kiraŭnikoŭ dziaržaŭ i pacikaviŭsia, jak vyrašajucca pytańni na ekśpiertnym uzroŭni ŭ Jeŭrazijskaj ekanamičnaj kamisii (JEEK).
Siarhiej Rumas prainfarmavaŭ, što napiaredadni adbyłosia pasiadžeńnie Savieta JEEK, na jakim abmiarkoŭvalisia ŭsie pytańni, jakija ŭvachodziać u paradak dnia siońniašniaha Jeŭrazijskaha ekanamičnaha savieta. U pieršuju čarhu heta tyčycca pracy nad damovaj ab Jeŭrazijskim ekanamičnym sajuzie. Pavodle Rumasa, dadzienaja praca ŭžo ŭvachodzić u zaviaršalnuju stadyju. «Ale, jak vy pravilna skazali, jość šerah pytańniaŭ, pa jakich pierahavorščyki na ŭzroŭni vice-premjeraŭ i premjer-ministraŭ nie zmahli znajści nieabchodnaj raźviazki. Tut dla nas važna atrymać sihnał, jak ruchacca pa tych ci inšych składanych pytańniach, pakolki času sapraŭdy zastajecca mała. Dakumient vielmi abjomny, naličvaje bolš za 800 staronak. Da padpisańnia nieabchodna jašče pravieści ŭnutrydziaržaŭnyja uzhadnieńni, unutrydziaržaŭnyja pracedury», — skazaŭ Siarhiej Rumas.
Ciapier čytajuć
Što za Dźmitryj Skindzieraŭ, jaki abviaściŭ vajnu Cichanoŭskaj? Supracoŭnictva z HUBAZiKam, daŭhi ŭ Biełarusi, daŭhi ŭ Litvie10
Kamientary