Słužba biaśpieki Ukrainy zatrymała dvaich čałaviek, jakija ŭvachodzili ŭ dyviersijnuju hrupu rasijskaha vyviednika Ihara Strałkova.
Pra heta paviedamiła načalnik pres-centra SBU Maryna Astapienka na bryfinhu ŭ čaćvier, pieradaje karespandent Ukrinform.
«U miežach antyterarystyčnaj apieracyi zatrymanyja dvoje asabliva niebiaśpiečnych złačyncaŭ, jakija ŭvachodzili ŭ dyviersijnuju hrupu Strałkova», — skazała Astapienka.
Pa dadzienych śpiecsłužby, adzin z zatrymanych — hramadzianin Ukrainy — arhanizoŭvaŭ zachop administracyjnych budynkaŭ u Arciomaŭsku i Słaviansku, a taksama adkazvaŭ za pastaŭki ahniastrelnaj zbroi dla ekstremistaŭ.
«Dziejańni złamyśnika kaardynavali krymski centr «Russkoje jedinstvo» i členy raźviedvalna-dyviersijnaj hrupy Strałkova», — udakładniła pres-sakratar.
Pavodle jaje słoŭ, druhi zatrymany źjaŭlajecca hramadzianinam RF, zajechaŭ u Ukrainu pa dakumientach prykryćcia.
«Analiz dadzienych śviedčyć, što rasiejec moža być techničnym śpiecyjalistam, jaki adkazvaje za šyfravańnie suviazi z Centram, karystajecca pazyŭnym «Łastaŭka» i vałodaje važnaj infarmacyjaj ab dziejnaści dyviersantaŭ va Ukrainie», — zajaviła pradstaŭnica SBU.
Jana dadała, što ŭ zatrymanych kanfiskavanaja kampjutarnaja technika i srodki suviazi.
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma16
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary