Na fonie sumnaj pradkazalnaj kampanii ŭ pałatku addušynaj dla hramadztva stali vybary kiraŭnika Frontu. Ažyjataž vakoł vynikaŭ śniežańskaha kurułtaju na Varvašeni, 8 štodnia raście. Feljeton z błohu Lolika Uškina.
Na fonie sumnaj pradkazalnaj kampanii ŭ pałatku addušynaj dla hramadstva, zdajecca, stali vybary kiraŭnika Frontu. Ažyjataž vakoł vynikaŭ śniežańskaha kurułtaja na Varvašieni 8 štodnia raście. Miarkuju bukmiekiery chutka pačnuć prymać staŭki.
Miensk. Budka bukmiekieraŭ na praśpiekcie. Kala jaje stajać troje mužykoŭ i z zacikaŭlenaściu razhladajuć prapanavanyja kantoraj katyroŭki.
Pieršy: Aha! Ivaškievič – 1, 4. Značyć, kali ja tałkanu kvateru, haraž i daču ja zmahu pastavić ennuju kolkaść tysiač bakinskich, i atrymać.... dva plus try, čatyry ŭ pamiaci....ennuju sumu babosa. Ura! Heta chopić kab raspłacicca z daŭhami i navat pamianiać dvorniki na mašynie.
Druhi: prabačcie a pačuŭ vašy słovy? Vy zdajecca chacieli b pastavić na Ivaškieviča?
Pieršy: tak. U nas usie na padšypnikie staviać na Ivaškieviča. Heta ž viarniak!
Treci ( umiešyvajučysia): Viarniak? Cha-cha. U mianie znajomy pa padjezdu. Jon luboŭnik žonki adnaho pierca, brata-studenta jakoha zavierbavali. Dyk voś kali jon apošni razam sustrakaŭsia z kurataram z žoŭtaha domu, toj kazaŭ pa sakretu: nia ŭ jakim razie nie stavić na Ivaškieviča. U jaho halak z bazaj na z Mahiloŭščyny i Viciebščyny.
Druhi: pravilna! Staŭcie na Vincuka. Heta favaryt! Słuchajcie siudy. Ja były vykładčyk ałhiebry i pačatku analizu z treciaj škoły. Dyk voś ŭ adroźnieńni ad vas, amataraŭ, rablu staŭki vychodziačy z salidnych navukovych matematyčnych raskładaŭ. Voś pahladzicie ja vyvieŭ faktaryjał davieru Viačorki i hrafična pradstaviŭ jaho u vyhladzie parabały. Voś heta kryvaja – Viačorka, a heta miedyjana – Michalevič. Dyk voś kali pravieści bisiektrysu....
Treci: kančaj svaje mnahačleny, . Viačorka – favaryt? Cha-ch-cha-cha. Tolki Michalevič!. Ja asabista byŭ na adnym z pasiedžańniaŭ kalvaryjskaj Rady i zacaniŭ hetaha pierśpiektyŭnaha napadajučaha, chacieŭ skazać palityka. Dyk voś: Michalevič heta moc! U jaho taki dryblinh, ja chacieŭ skazać jakasnaja prahrama.
Pieršy: nia moža być! Voś moj brat kaža, što...
Druhi: pravilna! Staŭcie na Vincuka. Heta favaryt! Voś hladzicie: pa tearemie Junha-Fiermy ja raźličyŭ intehrał jahonaj papularnaści siarod maładych apazicyjanieraŭ . Pusť p, q i r — Sieviaryniec, Daškievič i Šyła. Pričym...
Mima pa praśpiektu jedzie ŭradavy kartež. Niečakana jon prypyniajecca. Adtul vychadzić dziadźka z vusami i padychodzić da kantory i uvažliva čytaje. Trochi ašalełyja hemblery čujuć jak jon šepča siabie pad nos: “Aha! Ivaškievič – 1, 4. Značyć kali ja pradam Biełaruskalij, AZOT i NAftan ja zmahu pastavić ennuju kolkaść bakinskich i atrymać... miljon plus dva miljony, piać limonaŭ u pamiaci....atrymać ennuju sumu. Ura! Heta chopić kab raspłacicca z Hazpromam i jašče zastaniecca na novuju klušku.
Sadzicca ŭ mašynu i źjadžaje. .
Kamientary