Ukrainski tenisist Siarhiej Stachoŭski ŭ kałoncy dla Sports Illustated tłumačyć svajo staŭleńnie da taho, što adbyvajecca ŭ krainie.
Tenisist, u pryvatnaści, piša,
«20 lutaha — dzień, kali kryzis abvastryŭsia — źmianiŭ historyju majoj krainy. Cana ŭ 70 zabitych - vielmi vysokaja. Ničoha nie moža kaštavać daražej, čym čałaviečaje žyćcio: ni hrošy, ni ŭłada. Hetaja cana, jakuju zapłacili maje suajčyńniki, zastałasia niezaŭvažanaj. Jany pamirali za nadzieju na lepšuju budučyniu — budučynia, dzie prezident adkazvaje za svaje ŭčynki, za svaju krainu i ludziej. Dzie prezident nie žyvie žyćciom miljaniera na hrošy naroda. Dzie zakon vyšej za ŭsio. Dzie cenicca hodnaść i vysakarodnaść. Dzie chabarnictva nie źjaŭlajecca sposabam viadzieńnia biźniesu.
U śviatle rasijskaha nastupu na Krym abstaviny jašče pahoršylisia. Kali maja kraina padumała, što budzie dychać svabodna, jaje ŭziała ŭ zakładniki taja kraina, jakoj my daviarali bolš za ŭsio.
Ja nie z usimi łozunhami i dziejańniami Jeŭramajdanu zhodny. Ale ja ŭpeŭnieny, što revalucyja była adzinym šlacham źmianić maju krainu. Krym — častka Ukrainy, i nas abaraniaje Vialikabrytanija i ZŠA, jakija padpisali Budapiešcki miemarandum.
Zaŭsiody buduć ludzi, jakija chočuć nastavić Ukrainu na šlach «nacyjanalizmu».
Ale my patryjoty, a nie «nacysty» abo «terarysty», jak nazyvajuć nas rasiejskija ŚMI.
Naš parłamient pavinien stabilizavać situacyju i syści — jon vielmi doŭha byŭ pry ŭładzie i nie zdolny źmianicca. Adzinaja bolš-mienš zrazumiełaja palityčnaja fihura na siońnia — baksior, jaki pajšoŭ u palityku, Vital Kličko. Ale tolki ludziam vyrašać, kamu jany chočuć davieryć svaje žyćci».
Ciapier čytajuć
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty14
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary