Pradstaŭnik prezidenta Ukrainy ŭ Krymie: Adbyvajecca ŭzbrojenaje ŭvarvańnie Rasii
Novapryznačany pradstaŭnik prezidenta Ukrainy ŭ Krymie Siarhiej Kunicyn zajaŭlaje, što ŭ aŭtanomii adbyvajecca ŭzbrojenaje ŭvarvańnie rasiejskich siłavikoŭ.
«Pa sutnaści, siońnia ŭ Krymie adbyvajecca ŭzbrojenaje ŭvarvańnie RF. 13 bartoŭ RF sadzicca ŭ aeraporcie Hvardziejskaj, u kožnym pa 150 čałaviek. Paličycie. Ukrainskija pamiežniki ŭ Bałakłavie błakavanyja śpiecyjalnymi častkami. Padajecca heta, jak toje, što my vas abaraniajem ad razhnievanaha nasielnictva», — skazaŭ jon u efiry telekanała ATR ŭ piatnicu viečaram.
«Začynienaja pavietranaja prastora z-za vialikaj kolkaści rasijskich samalotaŭ», — adznačyŭ jon.
«Prapanavali kamu za hrošy, kamu šantažom padniać ściahi inšaj dziaržavy nad vajskovymi častkami. Usio vyrašajecca na hieapalityčnym uzroŭni. Ukraina i Krym — užo nie subjekt, a abjekt pieramovaŭ», — skazaŭ jon.
S.Kunicyn padkreśliŭ, što, na jaho dumku, «pytańnie idzie ab aneksii terytoryi», — «vielmi padobna da hruzinskaha varyjanta, na jaki tady Saakašvili pavioŭsia».
«Samaje hałoŭnaje — paźbiehnuć kryvapralićcia», — miarkuje Kunicyn, były premjer Kryma.
Apytanka
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»12
Kamientary