Прадстаўнік прэзідэнта Украіны ў Крыме: Адбываецца ўзброенае ўварванне Расіі
Новапрызначаны прадстаўнік прэзідэнта Украіны ў Крыме Сяргей Куніцын заяўляе, што ў аўтаноміі адбываецца ўзброенае ўварванне расейскіх сілавікоў.
«Па сутнасці, сёння ў Крыме адбываецца ўзброенае ўварванне РФ. 13 бартоў РФ садзіцца ў аэрапорце Гвардзейскай, у кожным па 150 чалавек. Палічыце. Украінскія памежнікі ў Балаклаве блакаваныя спецыяльнымі часткамі. Падаецца гэта, як тое, што мы вас абараняем ад разгневанага насельніцтва», — сказаў ён у эфіры тэлеканала ATR ў пятніцу вечарам.
«Зачыненая паветраная прастора з-за вялікай колькасці расійскіх самалётаў», — адзначыў ён.
«Прапанавалі каму за грошы, каму шантажом падняць сцягі іншай дзяржавы над вайсковымі часткамі. Усё вырашаецца на геапалітычным узроўні. Украіна і Крым — ужо не суб'ект, а аб'ект перамоваў», — сказаў ён.
С.Куніцын падкрэсліў, што, на яго думку, «пытанне ідзе аб анэксіі тэрыторыі», — «вельмі падобна да грузінскага варыянта, на які тады Саакашвілі павёўся».
«Самае галоўнае — пазбегнуць крывапраліцця», — мяркуе Куніцын, былы прэм'ер Крыма.
Апытанка
Цяпер чытаюць
Усе чакалі падзення цэн, але нічога падобнага! Як за год змяніліся цэны на кватэры ў Мінску і іншых буйных гарадах15
Усе чакалі падзення цэн, але нічога падобнага! Як за год змяніліся цэны на кватэры ў Мінску і іншых буйных гарадах
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння55
Каментары