Uščylnieńnie za HUMam: fiederacyja Natalli Piatkievič pabuduje restaran i hatel FOTY

Na miescy byłoha letniaha kinateatra na vulicy Internacyjanalnaj kala kinateatra «Pieramoha», pačałosia budaŭnictva novaha abjekta.
Jak raskazaŭ vykanaŭčy dyrektar Fiederacyi harnałyžnaha sportu i snoŭborda Biełarusi Ihar Źviernik, heta budzie šmatfunkcyjanalny kompleks, u jakim raźmieściacca vučebna-mietadyčnyja centry roznych zimovych vidaŭ sportu, a taksama hatel, restaran, kramy spartyŭnych tavaraŭ.
Fiederacyju ŭznačalvaje pamočnica prezidenta Natalla Piatkievič.

U budynku, hałoŭny fasad jakoha budzie vychodzić na Internacyjanalnuju, płanujucca dva padziemnych i piać naziemnych pavierchaŭ. A bližej da vulicy Kamsamolskaj raźmieścicca adnapaviarchovaja prybudova z restaranam i handlovymi płoščami. Unizie asnoŭnaha korpusa raźmieściacca administracyjnyja pamiaškańni fiederacyi, vučebna-mietadyčny centr z dobraj bazaj. Vyšej - haścinica ekanomkłasa na 50 numaroŭ. U padziemnym uzroŭni - parkoŭka na 50 mašyn.
Zaviaršyć budaŭnictva płanujecca viasnoj 2015 hoda. Na finišy ŭźviadzieńnia abjekta miarkujecca dobraŭparadkavać prylehłuju terytoryju. Mahčyma, źjavicca fantan, jaki byŭ na hetym miescy ŭ XIX stahodździ.
Kamientary