Lidary apazicyi vystupili na Majdanie jak pieramožcy.
Pieršym vystupiŭ Vital Kličko. Jon čytaŭ svoj tekst pa papiercy. Jon zajaviŭ, što patrabavańnie daterminovych prezidenckich vybaraŭ zastajecca ŭ sile.
Druhim vystupiŭ były ministr zamiežnych spravaŭ i vice-premjer Piatro Parašenka. Hety ŭkrainski miljarder, ułaśnik kandytarskaj impieryi «Rašen» zdaŭna padtrymlivaje prajeŭrapiejskija i nacyjanalnyja siły. Jon nazvaŭ prapanovy Janukoviča pieršym krokam da pieramohi. Jon taksama pad avacyju Majdanu padziakavaŭ za pazicyju futbolnym fanatam.
Trecim słova mieŭ Aleh Ciahnibok — lidar nacyjanalistyčnaj partyi «Svaboda». «Usie na Majdan!» — šeść razoŭ paŭtaryŭ jon u časie vystupu. Na jahonuju dumku, musić być praciahnuty cisk. Jon taksama zaklikaŭ stvarać paralelnyja struktury ŭłady ŭ rehijonach.
Apošnim vystupaŭ Arsień Jacaniuk, jakomu Janukovič prapanavaŭ sfarmavać urad. Jon paviedamiŭ, što havorka idzie pra toje, što apazicyja zmoža sfarmavać urad całkam i pavieści krainu da jeŭraintehracyi. Ale zajaviŭ, što piać patrabavańniaŭ da ŭładaŭ zastajucca ŭ sile. Pasada prezidenta pavinna być «źnivielavanaja», prezidenckaja respublika — zamienienaja parłamiencka-prezidenckaj. I rašeńnie pa prapanovach moža być pryniata tolki ŭ aŭtorak — pa vynikach pasiadžeńnia Viarchoŭnaj Rady. Kampramisu nie moža być biez admieny «zakonaŭ 16 studzienia», jakija abmiežavali hramadzianskija pravy, i biez amnistyi palitviaźniam.
Ton vystupaŭ na Majdanie byŭ raźniavoleny, aptymistyčny. Ale ŭ toj ža čas lidary sychodzili ad jasnych, niedvuchsensoŭnych adkazaŭ.
Takim čynam, Majdan zastajecca stajać. Da aŭtorka napružanaść zachavajecca, ale fakt, što Partyja rehijonaŭ i Janukovič pajšoŭ na sastupki.
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia66
Kamientary