Łukašenka naviedaŭ na Rastvo Chram Usich Śviatych i padaryŭ mitrapalitu Paŭłu sierviz
Alaksandr Łukašenka ŭ śviata Rastva naviedaŭ Chram-pomnik u honar Usich Śviatych u Minsku.
Kiraŭnik dziaržavy razam ź mitrapalitam Minskim i Słuckim Paŭłam, Patryjaršym Ekzarcham usioj Biełarusi zapaliŭ kaladnuju śviečku ŭ prydziele ŭ honar Iaana Chryściciela. Z nahody śviata jany taksama abmianialisia padarunkami. Alaksandr Łukašenka padaryŭ mitrapalitu sierviz ź vidami Minskaha Śviata-Duchava kafiedralnaha sabora.
U svaju čarhu kiraŭnik Biełaruskaj pravasłaŭnaj carkvy padaryŭ Łukašenku faksimilnuju kopiju staražytnaha Jevanhiella.
Vychavancy niadzielnaj škoły Usichśviackaha prychodu vitali kiraŭnika krainy vieršami. Alaksandr Łukašenka taksama pasłuchaŭ kaladnyja śpievy ŭ vykanańni mužčynskaha choru hetaha prychodu.
Razmova Alaksandra Łukašenki ź mitrapalitam Paŭłam praciahnułasia za harbataj.
Da naviedvańnia chrama Alaksandr Łukašenka razam z małodšym synam Mikałajem uskłaŭ kvietki da pomnika Patryjarchu Aleksiju II.
-
Baćka daradcy Cichanoŭskaj Dzianisa Kučynskaha pracuje ŭ kiraŭnictvie vykankama? Nie, heta nie tak
-
«70 zakazaŭ na dzień». Biełaruska vypiakaje ŭ Varšavie vielikodnyja bułki, jakija ździŭlajuć palakaŭ
-
Viedajecie łubin? Navukoŭcy ź Minska raspracavali katlety ź jaho. Ale sami nie hatujcie ni ŭ jakim razie!
Kamientary