Kazać pra terminy praviadzieńnia denaminacyi ŭ Biełarusi pakul rana, zajaviła siońnia staršynia praŭleńnia Nacyjanalnaha banka Nadzieja Jermakova padčas pramoj linii ŭ haziecie «Źviazda».
«Denaminacyja płanujecca, ale pra jaje terminy kazać pakul zaŭčasna», — adznačyła Nadzieja Jermakova.
Kiraŭnik Nacbanka patłumačyła, što dla praviadzieńnia denaminacyi treba, kab inflacyja za hod składała mienš za 10%, inakš u siłu rostu cenaŭ znoŭ paŭstanie nieabchodnaść u bujnych hrašovych kupiurach. A nastupny hod zapłanavana inflacyja na ŭzroŭni 11%.
«Novyja hrašovyja znaki ŭžo jość, jany addrukavanyja, ale ich ŭvodzić jašče rana», — adznačyła kiraŭnik Nacbanka.
Denaminacyja ŭ ekanomicy — uzbujnieńnie hrašovaj adzinki krainy bieź źmieny jaje nazvy, jakoje pravodzicca ŭ metach palahčeńnia hrašovaha zvarotu i nadańnia bolšaj paŭnavartasnaści hrošaj. Dziakujučy denaminacyi ŭdajecca skaracić lik hrašovych kupiur i maniet, jakija znachodziacca ŭ abaračeńni.
Kamientary