Hareŭ cech, jaki źbiralisia rekanstrujavać.
Jak paviedamili ŭ pres-słužbie MNS, sihnał pra pažar pastupiŭ u 1.41 unačy.
Kali pryjechali pažarnyja, na dachu adnapaviarchovaha cecha hareŭ lichtar. Heta cech pa vytvorčaści faniery, jaki znachodziŭsia na rekanstrukcyi. Vyklikać vyratavalnikaŭ daviałosia nie tolki z Barysava, ale i susiednich rajonaŭ: byli zadziejničany 39 pažarnych, 16 adzinak techniki.
Likvidavali pažar tolki ŭ 4.33 ranicy.
Na miesca zdareńnia vyjazdžaŭ niepasredna ministr MNS Uładzimir Vaščanka.
U vyniku pažaru paškodžany lichtar, try drevaapracoŭčyja stanki. Pažarnyja nie dali połymiu pierakinucca na susiedni budynak — skład z novym abstalavańniem i hatovaj pradukcyjaj: nastupstvy pažaru tady mahli być kudy bolš značnymi.
Na składzie znachodzilisia try sušylnyja kamiery, pres dla sklejki faniery, dva aŭtapahruzčyki, pradukcyi — usiaho, pavodle papiarednich padlikaŭ, ledź nie zhareła 20 miljardaŭ rubloŭ.
Nichto nie paciarpieŭ. Pryčyna pažaru vyśviatlajecca. Viadoma, što 17 śniežnia da 22.30 u cachu pravodzilisia ahniavyja raboty pa demantažy abstalavańnia.
«Barysaŭdreŭ» za apošni čas niekalki razoŭ traplaŭ u stužki navinaŭ.
Pačałosia ŭsio z taho, što pry naviedvańni pradpryjemstva ŭ listapadzie Alaksandr Łukašenka raskrytykavaŭ pracu administracyi i čynoŭnikaŭ, jakija adkazvajuć za drevaapracoŭčuju halinu i jaje madernizacyju. Zatym zaviali kryminalnuju spravu na hiendyrektara «Budtresta», jaki zajmaŭsia rekanstrukcyjaj.
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz5858
Kamientary