Rana ci pozna Ukraina stanie častkaj demakratyčnaj Jeŭropy, a Rasija rušyć uśled za joj, kali nie izaluje siabie i ŭžo nie stanie «paŭzastojnaj impieryjalistyčnaj relikvijaj», piša palitołah Źbihnieŭ Bžezinski ŭ The Financial Times.
Vydańnie adznačaje, što Ukraina niepaźbiežna zblizicca ź Jeŭropaj, tak jak jaje novaje myśleńnie, vypracavanaje za dva dziesiacihodździ niezaležnaści, śćviardžaje ŭłasnuju histaryčnuju identyčnaść Ukrainy jak sapraŭdnaj častki vialikaj Jeŭropy.
ES pavinien być bolš usprymalny da nieabchodnaści Kijeva ŭ ekanamičnaj i finansavaj padtrymcy. Razam z tym ukraincy pavinny ŭśviadomić, što jeŭrapiejskija padatkapłacielščyki nie začaravanyja pierśpiektyvaj płacić za praviny i karupcyju ŭkrainskaj elity, a nieabchodnaj umovaj pahadnieńnia dla Ukrainy stanie «zaciahvańnie pajasoŭ» i vyprabavańnie rašučaści krainy śćviardžać svaje jeŭrapiejskija pamknieńni, piša aŭtar.
Hieapalityčnaja meta Rasii ŭ ciapierašni čas farmirujecca nastalhičnaj apanavanaściu prezidenta Uładzimira Pucina pa impierskim minułym krainy. Rasijski lidar maje naiŭnuju ideju, što lidary postsavieckich dziaržaŭ pa-sapraŭdnamu prymuć rolu padparadkavańnia Kramlu, havorycca ŭ publikacyi.
Rasija na siońniašni dzień nie ŭ stanie adstojvać hvałtoŭnaje adnaŭleńnie staroj impieryi, a vysiłki Pucina majuć vielmi abmiežavanyja šancy na pośpiech. Rana ci pozna Rasija ŭśviadomić, što adziny šlach, jaki maje sens, składajecca ŭ tym, kab stać taksama pa-sapraŭdnamu sučasnaj, demakratyčnaj, mahčyma, navat viadučaj jeŭrapiejskaj dziaržavaj, reziumuje aŭtar.
-
Režym Łukašenki časova stanie mienš ahresiŭnym da susiedziaŭ, ale stratehična budzie imknucca da avałodańnia atamnaj zbrojaj
-
«Znajšli krajniaha», a «pastaviać sałdafona jakoha-niebudź». U sacsietkach adreahavali na zvalnieńnie kiraŭnika «Minsktransa»
-
Cyhankoŭ: Nie padazravaŭ, što Babaryka źjaŭlajecca prychilnikam sacyjalizmu — mary siaredniaha čałavieka
Ciapier čytajuć
«Vy pryjšli siudy łochami, a staniecie drapiežnikami». Jak pracujuć minskija koł-centry skamieraŭ3
Kamientary