U Kobrynie 4 školniki dapamahli zatrymać złodzieja, paviedamili ŭ Ministerstvie ŭnutranych spraŭ Biełarusi.
Čaćviora vučniaŭ piatych i siomych kłasaŭ kobrynskich škoł hulali kala ŭvachoda na miascovy rynak, kali ŭbačyli, jak mužčyna skraŭ z paviljona kurtku i pasprabavaŭ schavacca. Školniki nie spałochalisia, a z krykami kinulisia za złačyncam. Adzin z chłopcaŭ telefanavaŭ u milicyju i ŭ detalach raspaviadaŭ dziažurnamu pra pieramiaščeńni złamyśnika, jaki dziaciej nie čapaŭ, a sprabavaŭ uciačy ad ich. Urešcie mužčyna zabieh u tupik, špurnuŭ skradzienuju kurtku ŭ dziaciej i schavaŭsia ŭ sklepie doma. U hety čas padaśpieli supracoŭniki milicyi. Dzieci im pra ŭsio raskazali i apisali złodzieja. Pravaachoŭniki zabłakavali vychady sa sklepa i zatrymali złamyśnika.
Vyśvietliłasia, što mužčyna vykraŭ adrazu dźvie kurtki — adnu ŭ kramie «Dom handlu», druhuju — na raźmieščanym pobač rynku. Takim čynam, zatrymany budzie adkazvać pa dvuch artykułach kryminalnaha kodeksa.
A školnikaŭ pravaachoŭniki ŭznaharodzili za prajaŭlenuju aktyŭnuju hramadzianskuju pazicyju i dapamohu ŭ raskryćci złačynstva i zatrymańni złačynca. U prysutnaści vučniaŭ, nastaŭnikaŭ i baćkoŭ čaćviarych chłopcaŭ padtrymali padziakaj načalnika rajonnaha adździeła ŭnutranych spraŭ i hrašovaj uznaharodaj.
Ciapier čytajuć
Maniekien dziaŭčynki na vakzale ŭ Minsku napałochaŭ i naśmiašyŭ sacsietki5
Kamientary