Z 1 studzienia biez supravadžalnych dakumientaŭ IP zmohuć handlavać tolki reštkami pradukcyi
Indyvidualnyja pradprymalniki z 1 studzienia 2014 hoda zmohuć handlavać biez supravadžalnych dakumientaŭ, jakija paćviardžajuć nabyćcio tavaraŭ, tolki reštkami pradukcyi.
Takaja norma ŭtrymlivajecca ŭ prajekcie ŭkaza Łukašenki, tekst jakoha maje BiełaPAN.
U prajekcie ŭkazana, što «ŭ metach udaskanaleńnia rehulavańnia paradku realizacyi tavaraŭ» indyvidualnyja pradprymalniki «abaviazany ažyćciaŭlać pieravozku (transparciroŭku), zachoŭvańnie, realizacyju» tavaraŭ «na padstavie dakumientaŭ, jakija paćviardžajuć ich nabyćcio (pastupleńnie)».
Dakumientam praduhledžana, što da 1 lipienia 2014 hoda pradprymalniki mohuć «realizoŭvać reštki tavaraŭ, uviezienych na terytoryju Respubliki Biełaruś z terytoryi krain Mytnaha sajuza da 1 studzienia 2014 hoda biez dakumientaŭ, jakija paćviardžajuć ich nabyćcio (pastupleńnie)».
Pry hetym na 1 studzienia 2014 hoda IP pavinny buduć, zhodna z prajektam ukaza, pravieści invientaryzacyju takich tavaraŭ. «Paradak realizacyi reštkaŭ tavaraŭ vyznačajecca Ministerstvam pa padatkach i zborach», — havorycca ŭ prajekcie ŭkaza.
Dakumientam ustanoŭlena, što «realizacyja tavaraŭ indyvidualnymi pradprymalnikami z parušeńniem umoŭ», praduhledžanych prajektam ukaza, zabaraniajecca.
Składać pratakoły ab parušeńni ŭmoŭ realizacyi tavaraŭ upaŭnavažanyja słužbovyja asoby Kamiteta dziaržkantrolu i padatkovych orhanaŭ.
Jak paviedamlałasia raniej, paśla letniaj zabastoŭki biełaruskich pradprymalnikaŭ, skiravanaj suprać uvachodžańnia dla ich u siłu norm techrehłamientu Mytnaha sajuza ab biaśpiecy tavaraŭ lehprama, u Biełarusi było pryniata rašeńnie ab davańni IP da 1 lipienia 2014 hoda mahčymaści sproščanaha paradku paćviardžeńnia adpaviednaści ŭviezienaj pradukcyi pry ŭmovie padavańnia imi supravadžalnych dakumientaŭ na tavary.
Pradstaŭniki pradprymalnickich abjadnańniaŭ, kamientujučy padrychtavany prajekt ukaza, adznačajuć, što atrymać supravadžalnyja dakumienty na pradukcyju, jakaja realizujecca indyvidualnym pradprymalnikam, praktyčna niemahčyma.
«U Rasii, dzie našy indyvidualnyja pradprymalniki zakuplajuć tavar, nie dajuć supravadžalnyja dakumienty. Tamu atrymać ich praktyčna nierealna», — prakamientavaŭ BiełaPAN situacyju staršynia RHA «Pierśpiektyva» Anatol Šumčanka.
Jon adznačyŭ, što ŭ Rasii ad pradprymalnikaŭ na rynkach nichto nie patrabuje supravadžalnych dakumientaŭ. «Anałahičnaja situacyja ŭ Kazachstanie», — kanstatavaŭ Šumčanka.
U suviazi z hetym pradprymalniki čakajuć, što ŭ vypadku, kali prezidencki ŭkaz nabudzie moc u padrychtavanym vyhladzie, IP z novaha hoda zmohuć pradavać tolki reštki pradukcyi. «Heta čarhovy barjer dla pradprymalnikaŭ na šlachu ich dziejnaści», — zajaviŭ Šumčanka.
Ciapier čytajuć
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym9
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary