Biełaruskija miedsiostry, što zahinuli pad Hielendžykom, byli siektantkami
Zavieršana rasśledavańnie pa fakcie źniknieńnia biełarusak u kastryniku 2012 hoda.
«Analiz atrymanaj padčas śledstva infarmacyi pakazaŭ, što źnikłyja viali nadta adasobleny ład žyćcia i apošnija niekalki hadoŭ sistematyčna adpačyvali ŭ h. Anapa Rasijskaj Fiederacyi. Heta było abumoŭlena tym, što rasšukvajemyja źjaŭlalisia paśladoŭnicami “ruchu Anastasii”»,
— paviedamiła pradstaŭnik Śledčaha kamiteta Biełarusi Julija Hančarova.
Biełaruskija miedsiostry z 4-j haradskoj kliničnaj balnicy Minska Alina i Hanna adpravilisia ŭ Rasiju letaś 13 kastryčnika. Ź Minska vyjechali na ciahniku da Anapy: u ich byŭ adpačynak. Paśla hetaha ich nie bačyli.
Ich cieły znajšli sioleta 2 maja ŭ lesie kala rasijskaha Hielendžyka ŭ pałatcy. Pa słovach śledčych, jany zamierźli jašče ŭ sakaviku.
U kancy sakavika, miž inšym, abiedźvie pavinny byli adśviatkavać dni naradžeńnia. Alinie spaŭniałasia 31 hod, Hańnie — 32.
Vakoł siała Vazraždzienija (za 1,5 km ad jaho i znajšli cieły biełarusak) znachodzicca šmat dalmienaŭ, da jakich pryjazdžajuć turysty, časam z pałatkami. Mnohija vierać, što heta nie prosta kamiani. Z taho času, jak Uładzimir Miehre ŭ svaich knihach apisaŭ dalmieny kala Vazraždzienija, tudy kruhły hod pryjazdžaje šmat ludziej. Niechta «ź lasnymi duchami pahavaryć», chtości prosta molicca ŭ čakańni «praśviatleńnia» albo «vyzdaraŭleńnia».
Dalmieny — pomniki architektury kamiennaha vieku. Mahčyma, tut chavali plemiannych pravadyroŭ i šamanaŭ. Niekatoryja spadziajucca, što dalmieny daduć bahaćcie, zdaroŭje, ščaście ŭ kachańni, praśviatleńnie....
Heta kultavyja kamiani dla «anastasijcaŭ» — adnoj z novych rasijskich siektaŭ. Jaje adepty pradajuć haradskija kvatery i stvarajuć «rodavyja majontki» ŭ roznych miescach, kab źjadnacca ź ziamloj. Vučonyja ž nazyvajuć ich tatalitarnaj siektaj.
Na minskaj kvatery biełarusak, darečy, znajšli knihi Miehre.
Vyhladaje, što jany sapraŭdy pryjechali, kab dałučycca da siektantaŭ.
«Anastasijcy», miž inšym, spaviadajuć znajomstvy adnadumcaŭ i stvareńnie siemjaŭ miž imi. Tak zvanyja «Źloty adzinokich sercaŭ» prachodziać u roznych miescach Rasii.
Ciapier čytajuć
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz6464
Kamientary