23 vieraśnia sud Leninskaha rajona Hrodna pierahladaŭ spravu žurnalista Andreja Pačobuta, asudžanaha za «paklop na prezidenta». Było pryniata rašeńnie vyzvalić žurnalista ad pakarańnia.
Havorka idzie pra rašeńnie sudździ Vitala Lacko ad 5 lipienia 2011 h., jaki pryznaŭ Pačobuta vinavatym u parušeńni č. 1 art. 367 Kryminalnaha kodeksa i pakaraŭ tryma hadami pazbaŭleńnia voli z adterminoŭkaj na dva hady. 20 vieraśnia skončyŭsia pieryjad adterminoŭki pakarańnia.
— Biezumoŭna, ja zadavoleny z taho, što ciapier zmahu vyjazdžać za miažu i nie maju nijakich abaviazkaŭ stała adznačacca ŭ milicyi. Razam z tym, ja pa-raniejšamu liču prysud u dačynieńni da siabie całkam niezakonnym, — zaznačyŭ žurnalist u hutarcy z pres-słužbaj HA «BAŽ». — Ciapier mnie nieabchodna zrabić vizu, i ja adrazu ž płanuju naviedać redakcyju «Gazety Wyborczej» u Varšavie.
Pavodle abvinavačańnia, na praciahu 2010—2011 hh. Andrej Pačobut «paklopničaŭ» na A. Łukašenku na staronkach «Gazety Wyborcziej», sajta «Biełorusskij partizan» i svajho błohu poczobut.livejournal.com. Analizavali «kryminalnyja» teksty Pačobuta vykładčyk-fiłołah Hrodzienskaha dziaržaŭnaha univiersiteta Alaksiej Nikicienka i dvoje supracoŭnikaŭ adździeła ideałohii Hrodzienskaha abłvykankama — Pavieł Skrabko (zahadčyk) i Viktar Žaleźniakovič (adkazny za pracu sa ŚMI).
A. Pačobuta vyzvalili ŭ zale suda 5 lipienia, ale pad padpisku ab niavyjeździe (z 6 krasavika 2011 h. žurnalista ŭtrymlivali ŭ śledčym izalatary Hrodzienskaj turmy № 1). Pačobut nie pryznaŭ siabie vinavatym i pasprabavaŭ abskardzić rašeńnie suda. 20 vieraśnia 2011 h. Hrodzienski abłasny sud adchiliŭ kasacyjnuju skarhu žurnalista, i rašeńnie nabyło zakonnuju siłu.
Jašče adnu kryminalnuju spravu (paŭtorny paklop na kiraŭnika dziaržavy, č. 2 art. 367 KK RB) zaviali na Pačobuta ŭletku 2012 h. U sakaviku 2013 h. spravu spynili ŭ suviazi z adsutnaściu ŭ dziejańniach žurnalista składu złačynstva.
Ciapier čytajuć
Kaleśnikava: U 2020‑m ja zmahałasia nie suprać Łukašenki, a za ludziej, svabodu i svabodnyja vybary33
Kaleśnikava: U 2020‑m ja zmahałasia nie suprać Łukašenki, a za ludziej, svabodu i svabodnyja vybary
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary