Prajekt «Pacierki»: Kab dzieci i darosłyja razam dobra praviali čas
14 vieraśnia ŭ minskim Loft cafe ŭ miežach siamiejnaha prajekta «Pacierki» adbyłasia čarhovaja teatralnaja sustreča dla dziaciej i baćkoŭ. Na hety raz siamiejny teatr cieniaŭ «Vielistruchien» pakazaŭ haściam śpiektakl «Chto jość KOT».
Jak raskazała BiełaPAN adna z zasnavalnikaŭ prajekta «Pacierki» Anastasija Chomič-Bazar, prajekt ujaŭlaje saboj praviadzieńnie sustreč roznaha kštałtu — teatralnych, muzyčnych i knižnych. «Asnoŭnaja meta našaha prajekta — kab dzieci i darosłyja razam dobra praviali čas», — adznačyła jana.
Pavodle słoŭ Chomič-Bazar, padobnyja mierapryjemstvy pravodziacca ŭ Minsku kožnuju subotu.
«My stvaryli placoŭku dla lalečnych teatraŭ, i ludzi, jakija ŭžo pakazvali ŭ nas svaje śpiektakli, staviać novyja, tamu što viedajuć, što dla hetaha jość miesca i mahčymaść pakazvać ich ź niejkaj pieryjadyčnaściu, — skazała jana. — Heta natchniaje na stvareńnie fiestyvalu lalečnych teatraŭ. Dumaju, što na praciahu hoda my zmožam heta arhanizavać».
Mastačka Hanna Silivončyk raskazała pra śpiektakl «Chto jość KOT». Śpiektakl składaŭsia ź niekalkich karotkich śmiešnych historyj z kacinaha žyćcia, jakija dazvolili hledaču nablizicca da razumieńnia sutnaści hetaj žyvioły, paznajomili z kacinaj psichałohijaj, fizijałohijaj i anatomijaj, dapamahli pierakanacca, što «kot u miašku» — heta vielmi pryjemny siurpryz. Taksama paśla zakančeńnia śpiektakla adbyŭsia majstar-kłas pa stvareńni lalek dla cieniavoha teatra.
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Kamientary