Sioleta viasna ŭ Biełaruś pryjšła sa spaźnieńniem z-za pavieličeńnia azonavaha słoja, paviedamiŭ na pres-kanfierencyi 12 vieraśnia viadučy navukovy supracoŭnik Centra manitorynhu azonaśfiery BDU Alaksandr Krasoŭski.
Pavodle jaho słoŭ, zimoj u paŭnočnym paŭšarji sabrałasia «anamalna vialikaja kolkaść azonu», jaki «prycisnuŭ» ciopłaje ciačeńnie Halfstrym, što, u svaju čarhu, i zapavoliła nastupleńnie viasny ŭ Jeŭropie.
Jak adznačyŭ Krasoŭski, pra ŭpłyŭ azonavaha słoja na źmianieńnie klimatu vučonyja daviedalisia niadaŭna, i heta tema budzie abmiarkoŭvacca na kanfierencyi Amierykanskaha hieafizičnaha tavarystva ŭ śniežni. U pryvatnaści, vučonyja vyśvietlili, što strataśfierny azon udzielničaje ŭ farmiravańni karotkaterminovaha klimatu, stvarajučy ramačnyja ŭmovy dla raźvićcia atmaśfiernych pracesaŭ pablizu ziamnoj pavierchni, adznačyŭ śpiecyjalist. Pavodle jaho słoŭ, pavieličeńnie azonavaha słoja moža ŭzmacniać błakirujučyja efiekty cykłonaŭ i pryvodzić da źjaŭleńnia zasuchi ŭ adnym rajonie i patopu ŭ inšym.
Akramia taho, adznačyŭ Krasoŭski, biełaruskija vučonyja vyśvietlili charaktar upłyvu azonu na ekasistemu.
Pavodle jaho słoŭ, daśledavańni bijołahaŭ, praviedzienyja ŭ žniŭni hetaha hoda na voziery Narač, pakazali, što ŭ pieryjad pamianšeńnia azonavaha słoja i adpaviedna pavieličeńnia pastupleńniaŭ na Ziamlu ultrafijaletavych pramianioŭ u voziery ačyščajecca vada. Bijałahična aktyŭnaje ultrafijaletavaje vypramieńvańnie zdolnaje pranikać u vadu na hłybiniu da 12–15 mietraŭ i ŭbivać niekatoryja mikraarhanizmy, skazaŭ śpiecyjalist.
Ciapier čytajuć
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»12
Kamientary