U Minekanamraźvićcia RF nie vyklučajuć mier u adkaz na aryšt hiendyrektara «Urałkalija»
Namieśnik kiraŭnika Minekanamraźvićcia RF Andrej Klapač nie vyklučyŭ mahčymaści dziejańniaŭ Rasii ŭ adkaz na zatrymańnie ŭ Minsku hienieralnaha dyrektara AAT «Urałkalij» Uładzisłava Baŭmhiertniera.
«Spadziajusia, što niejkija (zachady) buduć zrobleny», — cytuje Klepača RIA Novosti. Tak jon adkazaŭ na pytańnie žurnalistaŭ, ci buduć pryniaty niejkija miery ŭ adkaz z boku RF.
Jak paviedamlałasia raniej, Maskva patrabuje vyzvaleńnia hienieralnaha dyrektara «Urałkalija» Uładzisłava Baŭmhiertniera i adpaviednych tłumačeńniaŭ taho, što zdaryłasia, ź biełaruskaha boku. Pra heta zajaviŭ
Z rasijskaha boku taksama było zajaŭlena, što «zatrymańnie biźniesmiena, jaki znachodziŭsia ŭ Biełarusi pavodle zaprašeńnia kiraŭnika ŭrada respubliki dla vyrašeńnia važnych pytańniaŭ
Pra zatrymańnie Baŭmhiertniera paviedamiŭ 26 žniŭnia Śledčy kamitet Biełarusi. U dačynieńni da hiendyrektara «Urałkalija», jaki źjaŭlajecca staršynioj naziralnaha savieta ZAT «Biełaruskaja kalijnaja kampanija», a taksama člena naziralnaha savieta ZAT «BKK» Aleha Piatrova, pieršaha namieśnika hiendyrektara Kanstancina Saładoŭnikava, namieśnika hiendyrektara pa finansach Ihara Jaŭstratava, načalnika frachtovaha adździeła Dźmitryja Samojłava i inšych asob raspačaty spravy na padstavie č. 3 art. 424 Kryminalnaha kodeksa (złoŭžyvańnie ŭładaj i słužbovymi paŭnamoctvami). Padstavaj dla hetaha stali materyjały ab učynieńni imi jaŭnych złoŭžyvańniaŭ słužbovymi paŭnamoctvami ŭ karyślivych metach, što paciahnuła naniasieńnie istotnaha ŭronu dziaržaŭnym i hramadskim intaresam krainy, a taksama naniasieńnie ŭronu ŭ asabliva bujnym pamiery AAT «Biełaruśkalij» i ZAT «BKK».
Kamientary