26 lipienia ŭ Kalifornii pamior śpiavak i aŭtar pieśniaŭ Džej Kiejł. Šmat dla kaho jahonaje imia mała pra što kaža, adnak bieź jaho my b nikoli nie pačuli Eryka Kłeptana i Marka Nopflera ŭ tym vyhladzie, u jakim my ich viedali.
Džej Kiejł napisaŭ z dva tuziny chitoŭ, adnak chitami jany stanavilisia ŭ vykanańni inšych muzykaŭ — After Midnight, Cocaine, Call Me the Breeze i inšyja pieśni ŭvieś čas zajmali topavyja pazicyi
Zdajecca, samomu Kiejłu nikoli nie chaciełasia stać znakamitym — jon zapisaŭ kala piatnaccaci albomaŭ, jakija hučać vielmi padobna: zatoje nichto nie moža nazvać nivodnaj drennaj kružełki Džej Kiejła.
U astatni čas jon spakojna žyŭ u Kalifornii, davaŭ łakalnyja kancerty ŭ nievialikich (dla jaho maštabu) załach na tysiaču čałaviek, zaŭždy nasiŭ z saboj svaju ŭłasnuju aparaturu, nie ŭjaŭlaŭ cikavaści dla presy. Zatoje kožny nastupny jahony albom stanaviŭsia chitom siarod amataraŭ, i što važna, muzykaŭ.
Apošniuju sprobu zrabić z Kiejła vialikuju «zorku» ŭ 2006 hodzie zrabiŭ Eryk Kłeptan (try pieśni Kiejła ŭ jahonym vykanańni stanavilisia chitami), kali muzyki zapisali supolny albom — prablema była tolki ŭ tym, što modnaje hučańnie zahłušyła atmaśfieru, jakoj słavilisia albomy Kiejła.
«Naša Niva» prapanuje vam pasłuchać akustyčny vystup Džej Kiejła na radyjo ŭ Kalifornii.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie4949
Kamientary