Žycharam Vałožynskaha rajona Minskaj vobłaści z 8 lipienia «kateharyčna zabaroniena» ŭtrymańnie śviniej. Zabarona dziejničaje na praciahu paŭhoda, paviedamili ŭ Vałožynskim rajvykankamie.
Adpaviednaje rasparadžeńnie rajonnaj administracyi raźmieščana na ścienach viaskovych mahazinaŭ. Jak vynikaje z rasparadžeńnia, «u suviazi z abviaščeńniem častki Vałožynskaha rajona pieršaj pahražalnaj zonaj pa zachvorvańni śviniej na afrykanskuju čumu» hramadzianam nieabchodna ŭ termin da 8 lipienia 2013 hoda «pravieści zarez zdarovych śviniej dla asabistaha spažyvańnia». Im abiacana dać mahčymaść «zdać liški śviniej u žyvoj vazie na miasakambinaty».
Zakup śviniej budzie rabicca praź sielsaviety pavodle zajavak, jakija nieabchodna było padać da 5 lipienia. U vypadku vyjaŭleńnia zachvorvańnia śviniej hramadzianam treba «ŭ terminovym paradku» źviartacca pa ŭkazanym telefonie. Samastojnyja miery prymać zabaroniena.
«Z 8 lipienia 2013 hoda ŭtrymańnie śviniej kateharyčna zabaroniena na praciahu šaści miesiacaŭ. U vypadku parušeńnia patrabavańniaŭ budziecie nieści adkaznaść zhodna z KK RB art. 284», — skazana ŭ rasparadžeńni.
Artykuł 284 Kryminalnaha kodeksa (parušeńnie vieterynarnych pravił) praduhledžvaje pakarańnie ŭ vyhladzie štrafu, papraŭčych rabot na termin da dvuch hadoŭ abo pazbaŭleńnia voli na taki ž termin z pazbaŭleńniem prava zajmać peŭnyja pasady.
U vypadku vyjaŭleńnia śviniej «pry paŭtornym padvornym abychodzie pahałoŭje budzie kanfiskoŭvacca biez vypłat kampiensacyi», papiaredžvaje administracyja Vałožynskaha rajona.
Vałožynski rajon miažuje ź Iŭjeŭskim rajonam Hrodzienskaj vobłaści, dzie ŭ kancy červienia była zarehistravanaja ŭspyška zachvorvańnia na afrykanskuju čumu śviniej (AČS).
Kamientary