Recha vybuchu 4 lipienia 2008 — u Baranavičach dahetul nie śviatkujuć Kupalle
Ad masavych hulańniaŭ admovilisia 5 hod tamu z-za niemahčymaści zabiaśpiečyć vykanańnie ŭsich praviłaŭ biaśpieki, uviedzienych paśla vybuchu ŭ Minsku.
Palić vohniščy i ładzić masavyja hulańni ŭ noč z 6 na 7 lipienia ŭ Baranavičach nie buduć. Jak paviedamili «Intex-press» ŭ Baranavickim harvykankamie, na Kupalle ŭ hetym hodzie nijakich mierapryjemstvaŭ pravodzicca nie budzie.
Ad masavych hulańniaŭ u hety viečar u horadzie admovilisia jašče ŭ 2009-m z-za niemahčymaści zabiaśpiečyć vykanańnie ŭsich praviłaŭ biaśpieki, uviedzienych paśla vybuchu ŭ Minsku ŭ noč na 4 lipienia 2008 hoda.
U Baranavickim rajonie maštabnaha masavaha mierapryjemstva ŭ noč na Ivana Kupała taksama nie zapłanavana.
Pavodle infarmacyi rajonnaha arhanizacyjna-mietadyčnaha centra Baranavickaha rajvykankama, u damach kultury i kłubach buduć arhanizavany teatralizavanyja pakazy i vystupy miascovych kalektyvaŭ.
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj14
Kamientary