Saša Varłamaŭ: Hanarusia svajoj pracaj i spadziajusia dačakacca spraviadlivaha prysudu

Siońnia madeljer vystupiŭ u sudzie z apošnim słovam.

«Ja mahu ŭjavić, jak siońnia kožny čałaviek, jaki chodzić na pracu, sam zabiaśpiečvaje siabie stałom, stułam, transpartam, apłočvaje telefonnyja razmovy. Ja by pastaviŭ umovu: jaki voin???»

Varłamaŭ zaznačyŭ, što zarobku nie było ni ŭ jaho samoha, ni ŭ supracoŭnikaŭ, ni va ŭdzielnikaŭ prajektu. Naadvarot, pry dapamozie ŭsich hetych ludziej prajekt «Młyn mody» i praciahvaŭ svajo isnavańnie.

«Ź luboha čajnika, ź luboha prasa hučała rekłama pra „Młyn“, i dziakujučy hetamu my vyjazdžali. Ja rabiŭ (prajekt) biez usiaho.

Ja razumieŭ, što mnie treba było šukać hrošy samastojna. Heta adbyvałasia da 2011 h. — biez adzinaj kapiejki. Voś tak ja byŭ vymušany, jak voin, być na svaim zabieśpiačeńni».

«Zmoŭčańnie nie jość chłuśnia, časam jano ŭchvalajecca zakonam».

«Ja mahu sabie ŭjavić, kab u suśviecie ŭsia praŭda była b adkryta: pra kožnaha čałavieka, krainu, pra ŭsich naohuł — ci zmoh by tady trymacca suśviet? Tamu ja absalutna dakładna viedaŭ, što čym bolš niepatrebnaj infarmacyi u kalehaŭ, tym bolš jany zaniatyja svaimi spravami.

Apošniaja pajezdka 2011 h. pakazała, kolki mocy zajmali pytańni «a kudy dzielisia hrošy».

Kali jakomu-niebudź supracoŭniku treba vydać pistalet, formu — jamu ich vydajuć, kali jamu heta patrebna, jamu, a nie načalniku. Uvieś čas hrošy na praviadzieńnie «Młyna mody» vydavali mnie, bo viedali, kudy i na što jany iduć. Časta mianie adpraŭlali naohuł biez hrošaj i ŭ 2007 h. nie viarnuli hrošy ni za hatel, ni za vizy.

Tamu zmoŭčańnie heta nie chłuśnia, časam jano nie tolki dazvalajecca, ale i ŭchvalajecca maralnym zakonam.

Jevanhielle ad Iaana: «Nie moža čałaviek ničoha prymać na siabie kali nie budzie dadziena jamu ź nieba»

Voś ja i razvažaju: dapamohi niama, a jakim čynam trymajecca prajekt? Heta było treba samim dyzajnieram, biez «Młyna mody» nie zmahło b źjavicca stolki imionaŭ, maładych dyzajnieraŭ nie było b naohuł.

Kali b heta nie było pasiejana, nie vyrasła, nie było b čaho źbirać. Prajekt byŭ nieabchodny dyzajnieram, krainie.

My pracavali za miažoj i viedali, što adstojvajem krainu, u jakoj my budziem žyć, u jakoj buduć vychoŭvacca našyja dzieci.

«Kali sprava ad čałavieka, janazrujnujecca, a kali ad Boha, to vy nie zmožacie jaho parušyć» (Dziei 5:38–39)

I voś ja ŭ turmie, a «Mlan mody» pravodzicca.

Ja ŭ turmie ŭžo treci hod, kali bolš dakładna — 2 hady i 2 miesiacy. «Młyn mody» sprabavali prybrać, ale ni ŭ koha heta nie atrymałasia.

A kolki centraŭ moładzievaj mody možna było b zrabić na hrošy, jakija vydatkavanyja na śledstva? Možna było b adrazu addać hetyja hrošy maładym dyzajnieram — tak było b našmat praściej.

Ja hanarusia svajoj pracaj, tym, što razam z udzielnikami prajektu my štoraz u kožnaj krainie, u jakuju vyjazdžali, čuli: «Vy dla svajej krany zrabili šmat»…

Usie hrošy pad vyhladam sutačnych byli ź lichvoj vydatkavanyja na praviadzieńnie prajekta. Ja nie kažu, kolki hrošaj było vydatkavana mnoj, miecenatami, sponsarami.

Ja hanarusia hetaj pracaj, joj hanaracca udzielniki, žychary, jakija pišuć mnie.

Spadziajusia na abjektyŭny sud, chaču pražyć reštu žyćcia ŭ svajoj siamji. Mahu skazać, što trymajusia z apošnich sił, bo chaču dačakacca spraviadlivaha prysudu.

***

24 červienia prakuror paprasiŭ dla Alaksandra Varłamava 5 hadoŭ pazbaŭleńnia voli z kanfiskacyjaj majomaści i zabaronaj zajmać kiroŭnyja pasady. Prakuror prasiŭ sud pryznać Varłamava vinavatym va ŭchileńni ad padatkaŭ i ekanamičnych złoŭžyvańniach. Varłamaŭ pryznaŭ tolki vinu ŭ niavypłacie padatkaŭ. Advakat prosić apraŭdać padabaronnaha.

Za kratami madeljer znachodzicca ad maja 2011 h. Sud raspačaŭsia ŭ lutym 2013 hoda.

• 0
• 0
• 0
• 0
• 0
• 0
• 0
• 0