U žycharoŭ vioski Nižniaje Černichava Baranavickaha rajona rabotniki vieterynarnaj słužby 25 červienia zabrali śvińniaŭ z padvorkaŭ na cełaj vulicy.
U redakcyju «IP» źviarnulisia žychary vioski Nižniaje Černichava, jakija paviedamili, što 25 červienia milicyja pierakryła vulicu Zarečnaja.
«Ludzi, jakija pradstavilisia śpiecyjalistami rajonnaj vietstancyi, amal ničoha nie tłumačačy, pačali vyvodzić śviniej i parasiat z adryn», — raspavioŭ adzin z žycharoŭ vioski Vasil, jaki pazbaviŭsia čatyroch žyvioł.
«Spačatku ničoha nie kazali. Potym skazali, što afrykanskaja čuma. Zabaranili trymać śviniej 4 hady. Pradstaŭniki sielsavieta skłali akty. Usim abiacali dać kampiensacyju: 19500 za kiłahram», — paviedamiŭ mužčyna.
Žychary inšych vulic, pa słovach Vasila, vyrašyli nie čakać nastupnaha pryjezdu vieterynaraŭ i sami pierarezali śviniej. «Visk da viečara stajaŭ. Susiedzi śpiecyjalna kupili ŭ horadzie dva chaładzilniki, kab miasa nie prapała», — adznačyŭ jon.
Načalnik Baranavickaj rajonnaj vieterynarnaj stancyi Mikałaj Pakumiejka rastłumačyŭ «IP», što žyvioły, jakich kanfiskavali, chvoryja reśpiratornym zachvorvańniem. «Analizy my pieradali ŭ łabaratoryju. Čym chvoryja žyvioły, možna budzie daviedacca prykładna praz 3 dni», — paviedamiŭ jon.
Darečy, masavy mor śviniej byŭ zafiksavany kala dvuch miesiacaŭ tamu na KPS «Uschodni»
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»12
Kamientary