Bolš za piać hadzin spatrebiłasia siłam Dziaržaŭnaj pažarna-vyratavalnaj słužby (DPVS) Łatvii, kab likvidavać pažar pavyšanaj stupieni niebiaśpieki ŭ Ryžskim zamku. Ahoń źniščyŭ 3200 kvadratnych mietraŭ.
Jak adznačyła pradstaŭnik pres-centra DPVS Viktoryja Šembiele, pažar, jaki pačaŭsia ŭ 22:29, byŭ łakalizavany ŭ 03.53. Adnak ratavalniki da hetaha času praciahvajuć pracy ŭ budynku.
Bolš za ŭsio ŭ vyniku pažaru paciarpieŭ dach zamka, jaho kanstrukcyja i haryšča (zhareła 2 400 kvadratnych mietraŭ), vierchni pavierch korpusa (600 kvadratnych mietraŭ) i treci pavierch (200 kvadratnych mietraŭ).
Užo ŭ 04.45 adnoŭleny ruch pa Nabiarežnaj 11 listapada pamiž Vantavym i Kamiennym mastami.
U DPVS taksama paviedamili, što ŭ chodzie tušeńnia pažaru adzin z ratavalnikaŭ atruciŭsia praduktami hareńnia. Pa słovach Šembiele, paśla akazańnia miedycynskaj dapamohi pažarny byŭ vypisany z balnicy.
* * *
U čaćvier viečaram u stalicy Łatvii spałachnuŭ pažar u Ryžskim zamku, jaki zakryty na rekanstrukcyju. Dach budynka haryć adkrytym połymiem.
Paviedamleńnie pra ŭzharańnie dachu prezidenckaha zamka pastupiła na pult dziažurnaha ŭ 22.21.
Pakolki budynak znachodzicca ŭ centry horada pobač ź inšymi žyłymi damami i važnymi pabudovami, pažaru była prysvojena najvyšejšaja stupień niebiaśpieki i na miesca nadzvyčajnaha zdareńnia nakiravali bolš za 10 mašyn pažarnych.
Spačatku płošča pažaru składała 50-100 mietraŭ, ale połymia chutka raspaŭsiudziłasia pa ŭsim dachu.
Nieŭzabavie na tušeńnie pažaru byli mabilizavany ŭsie siły Dziaržaŭnaj pažarnaj słužby Ryžskaha rehijona, a taksama pryciahnuty viertalot Nacyjanalnych uzbrojenych sił i buksir Ryžskaha svabodnaha porta.
Pryčyny ŭzharańnia pakul nieviadomyja.DPS taksama pakul nie moža prahnazavać, kolki času spatrebicca dla likvidacyi pažaru. Kala 23.30 pažarnyja adpravilisia ŭnutr budynka.
* * *
Historyja Ryžskaha zamka ŭzychodzić da 1330 h.,kali jaho budaŭnictva zadumali vycieśnienyja za tahačasnyja miežy horada livonskija rycary. Paśla zamak nieadnarazova razburaŭsia i pierabudoŭvaŭsia.
Da pačatku 1990-ch hadoŭ tut raźmiaščaŭsia Pałac pijanieraŭ. Paśla likvidacyi pijanieraŭ, jak arhanizacyi, zamak niekatory čas pustavaŭ, pakul u 1995 hodzie nie pačaŭ vykonvać funkcyi rezidencyi kiraŭnika Łatvii.
Zamak ciapier znachodzicca na rekanstrukcyi, prezident Andrys Bierzińš znachodzicca ŭ časovaj rezidencyi ŭ Domie Čarnahałovych.
Kamientary