U piatnicu, 10 maja, palityk,eks-kandydat u prezidenty na vybarach 2010 h. Aleś Michalevič abaraniŭ u Varšavie doktarskuju dysiertacyju. Pra heta jon paviedamiŭ u svaim fejsbuku.
«Abaraniŭ doktarskuju dysiertacyju. Tema — „Partyi i palityčnyja ruchi ŭ postkamunistyčnaj transfarmacyi. Prykład Biełarusi i Ukrainy 1989–1996“. Analizavaŭ praktyčna ŭsie postkamunistyčnyja krainy, z asablivaj uvahaj na Biełaruś i Ukrainu. Abarona doŭžyłasia dźvie hadziny i adbyvałasia ŭ pamiaškańni Collegium Civitas, na 12 paviersie Pałaca kultury i navuki ŭ Varšavie. Za nadańnie mnie vučonaha zvańnia doktara navuk kamisija prahałasavała adzinahałosna. Siońnia, u piatnicu, ž navukovaja rada Instytuta palityčnych daśledvańniaŭ PAN pavinna zaćvierdzić mianie ŭ zvańni doktara navuk», — napisaŭ jon.
Aleś Michalevič byŭ kandydatam u prezidenty na vybarach 2010 h. U noč na 20 śniežnia 2010 h. aryštavany, prachodziŭ jak padazravany pa spravie ab "masavych biesparadkach". U lutym 2011 h. byŭ vypuščany ź SIZA KDB pad padpisku ab niavyjeździe. Pravioŭ pres-kanfierencyju, na jakoj zajaviŭ ab katavańniach u SIZA KDB.
Praź niekalki dzion tajna vyjechaŭ ź Biełarusi i paprasiŭ palityčnaha prytułku ŭ Čechii.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary