Mierkavańni7272

Leanid Bartkievič: Łukašenka — heta talent, jaki naradžajecca raz u sto hadoŭ

Śpiavak, kolišni salist VIA «Pieśniary» Leanid Bartkievič daŭ vialikaje intervju haziecie «Priessboł».

Havorka amal nie išła pra sport, čaściej Bartkievič havaryŭ pra svaich zornych znajomych i byłyja časy. Taksama vykazvaŭsia i na aktualnyja pytańni.

«Ja suprać Alaksandra Ryhoraviča ničoha nie maju — heta talent, jaki naradžajecca, moža, raz u sto hadoŭ. Nu nie vinavaty jon, što jaho pamočniki niejkija nietalenavityja. Usie jaho čamuści bajacca. Kraina ž u paradku. Časta byvaju ŭ Rasii — heta kašmar niejki. Zajedźcie ŭ Maskvu — tam haleča, pjanstva, daroh niama», — kaža Bartkievič.

Tym nie mienš, jon pryznaje, što samy roskvit biełaruskaj kultury byŭ pry Mašeravie. Vas nie pakryŭdziła, što ŭ praśpiekta Mašerava adabrali jaho imia, zapytaŭsia žurnalist Siarhiej Ščurko.

«Kaniečnie, pakryŭdziła… Ale ja ŭsio ž liču, što čałaviek, jaki ŭ styrna, maje prava na mnohaje».

Zapytalisia ŭ Bartkieviča pra staŭleńnie da hurta «Lapis Trubiacki». «My siabrujem, heta vielmi arihinalnaja hrupa. Chłopcy adkryli ŭłasny žanr. Prykładna jak u svoj čas «Lube», — adkazaŭ «pieśniar».

«Kali b my rabili ŭsio pa-stalinsku, to amierykancy b da nas pryjazdžali vučycca, a nie my da ich.
Čytaju pra Stalina ŭsio, što pišuć, mnie hetaja histaryčnaja asoba vielmi cikavaja. Na jaho šmat skinuli taho, čaho jon nie rabiŭ, chacia, kaniečnie, jamu davodziłasia prymać niepapularnyja miery», — Bartkievič ličyć, što nastupnik Stalina Chruščoŭ pravaliŭ hienijalny płan «pieratvareńnie SSSR u kukuruznuju dziaržavu».

Vykazaŭsia śpiavak i adnosna biełaruskaj movy. Jon kaža, što maje recept, jak navučyć biełarusaŭ havaryć pa-svojmu.

«Za poŭhoda ŭsie biełaruskija dzieci razmaŭlali b na rodnaj movie absalutna čysta. Paviesiŭ by ŭkožnaj siamji repraduktar na ścienku, i biełaruski kanał tranślavaŭ by z ranicy da viečara. Prymusić dziaciej słuchać my nie zmožam, ale heta budzie adbyvacca mižvolna.
Ja taki ekśpierymient prarabiŭ sa svaimi zaakijanskimi ŭnukami — jany movy nie viedali, a praz try miesiacy zahavaryli tolki tamu, što matčyna mova doŭbić pa hałavie i ŭ joj zatrymlivajecca toje, što treba».

Taksama ŭ hutarcy pra Volhu Korbut, Uładzimira Mulavina, Arnolda Švarceniehiera, Ału Puhačovu, seks, «tupych amierykancaŭ».

«Priessboł» pradajecca va ŭsich šapikach krainy.

Kamientary72

Ciapier čytajuć

Što moža čakać tych, kaho buduć sudzić pa spravie «Biełaruskaha Hajuna»?

Što moža čakać tych, kaho buduć sudzić pa spravie «Biełaruskaha Hajuna»?

Usie naviny →
Usie naviny

U Izraili 1 zahinuŭ, 40 paranienych ad iranskaj balistyki. Pačałasia treciaja chvala ŭdaraŭ pa Iranie11

«Hety fest nie tolki dla kajfu». Arhanizatary fiestyvalu Tutaka raskazali pra sioletnija płany i pierśpiektyvy10

Pucin asudziŭ parušeńnie Izrailem Statuta AAN i normaŭ mižnarodnaha prava11

Za miesiac popyt na lalek Łabubu vyras na «Kufry» ŭ 6,5 raza7

Pad Saladaram adzin rasijski samalot źbiŭ inšy?4

Izrailskaja rakieta ŭdaryła pa rezidencyi Viarchoŭnaha lidara Irana Ali Siejeda Chamieniei3

Padčas izrailskaj ataki na Iran zabili kamandzira śpiecpadraździaleńnia «Kuds»1

Nietańjachu ŭvioŭ Iran u zman z dapamohaj viasiella, a Tramp — svaimi zajavami8

Izrail pačaŭ novuju chvalu ŭdaraŭ pa Iranie12

bolš čytanych navin
bolš łajkanych navin

Što moža čakać tych, kaho buduć sudzić pa spravie «Biełaruskaha Hajuna»?

Što moža čakać tych, kaho buduć sudzić pa spravie «Biełaruskaha Hajuna»?

Hałoŭnaje
Usie naviny →

Zaŭvaha:

 

 

 

 

Zakryć Paviedamić