Kałaps u niebie Jeŭropy: na paniadziełak «Lufthanza» admianiła ŭsie rejsy, u tym liku ŭ Biełaruś
Z-za zabastoŭki rabotnikaŭ «Lufthanzy» najbujniejšy niamiecki avijapieravozčyk admianiaje amal usie zapłanavanyja na 22 krasavika rejsy, u tym liku — u Biełaruś.
Admienienyja, u pryvatnaści, dva rejsy pa maršrucie Minsk — Frankfurt (adpraŭleńnie z Nacyjanalnaha aeraporta Minsk u 05.55 i 14.00), a taksama rejs Frankfurt — Minsk (vylet z Frankfurta ŭ 20.35), havorycca na aficyjnym sajcie «Lufthanzy».
Avijakampanija paviedamlaje pra admienu amal usich zapłanavanych na paniadziełak rejsaŭ pa Hiermanii i Jeŭropie. «Tolki niekalki rejsaŭ adbudziecca 22 krasavika z vyletam ź Bierlina, dzie zabastoŭka pavinna skončycca da 14.30 pa siaredniejeŭrapiejskim časie», — adznačajecca ŭ paviedamleńni.
Na miascovych linijach buduć vykanany tolki 20 rejsaŭ z 1.650. Z aeraporta ŭ Frankfurcie vylecić usiaho šeść rejsaŭ z 50, ź Miunchiena — try z 17.
«Lufthanza» vykazvaje svajo škadavańnie ŭ suviazi ź niazručnaściami, pryčynienymi pasažyramz-za strajku, i prykładzie ŭsie namahańni dla minimizacyi naniesienaj im škody, skazana ŭ zajavie kampanii.
Pieraboi ŭ pracy adnoj z najbujniejšych avijakampanij śvietu źviazany z papieradžalnym strajkam. Rabotniki «Lufthanzy» patrabujuć sacyjalnych harantyj i pavyšeńnia zarobkaŭ.
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma16
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary