Kranalnaje siabroŭstva: 5-hadovy Džulijan i jaho ńjufaŭndlend pa mianušcy Maks
Staša Biekier štodnia fatahrafuje svajho syna razam ź jahonym lubimym sabakam.
Maci štodnia fatahrafuje svajho 5-hadovaha syna Džulijana Biekier (Julian Becker) i jaho lepšaha siabra, sabaku parody ńjufaŭndlend pa mianušcy Maks, kab adsyłać hetyja zdymki baćku chłopčyka, jaki prachodzić słužbu udalečyni ad doma.
Takim aryhinalnym sposabam žančyna padtrymlivaje suviaź z mužam, aficeram VMS ZŠA, jakoha nie bačyć miesiacami, piša pixanews.com.
Staša (Stasha) — tak zavuć maci chłopčyka — robić fota kožnuju ranicu, u asnoŭnym, na fonie haražnych dźviarej, pierad tym jak pasadzić syna i jaho hadavanca ŭ miniven. Adnak časam udałyja zdymki atrymlivajucca padčas sumiesnych prahułak u lesie, na plažy ci ŭ harach.
«U mai Maksu spoŭnicca šeść hadoŭ, a Džulijanu budzie piać. Jany razam z samaha naradžeńnia syna», — raspaviadaje žančyna, jakaja pracuje fatohrafam-fryłansieram.
Vializny sabaka — jaho vaha składaje amal 75 kh — nie adychodzić ni na krok ad svajho maleńkaha haspadara. Asabliva jon lubić płavać razam z Džulianam, kaža maci chłopčyka.
Džulijan i Maks naradzilisia ŭ Anhlii, choć ciapier žyvuć u miastečku Uitbi-Ajlend, u štacie Vašynhton, ZŠA.
Kamientary